ହାଇଦ୍ରାବାଦ: ଆଲିଆ ଭଟ୍ଟ ଏବଂ ରଣବୀର କପୁର ଲାଡଲି ରାହା କପୁରଙ୍କୁ ନେଇ ପ୍ରତିଦିନ ଚର୍ଚ୍ଚାରେ ରହିଥାନ୍ତି । ଏମିତି ଦେଖୁ ଦେଖୁ ଆସନ୍ତା ମାସ ଅର୍ଥାତ ନଭେମ୍ବରରେ ରାହା କପୁରଙ୍କୁ 1 ବର୍ଷ ପୂରି ଯୁବ । ହେଲେ ଏହି ଦମ୍ପତି ଏପର୍ଯ୍ୟନ୍ତ ନିଜ ଝିଅର ଚେହେରା ଫ୍ୟାନ୍ସଙ୍କୁ ଦେଖାଇନାହାଁନ୍ତି । ସେପଟେ ସୋସିଆଲ ମିଡିଆରେ ଭାଇରାଲ ହେଉଥିବା ଆଲିଆ ଭଟ୍ଟଙ୍କ ଏକ ଭିଡିଓ ସାମ୍ନାକୁ ଆସିଛି ।
ରାହାଙ୍କ ସହ ଆଉଟିଂରେ ବାହାରିଲେ ଆଲିଆ
ଭିଡିଓରେ ଆଲିଆ ତାଙ୍କ ଲାଡଲି ରାହାଙ୍କୁ କୋଳରେ ଧରି କାରରେ ବସୁଥିବାର ନଜର ଆସିଛନ୍ତି । ଏହି ସମୟରେ ଆଲିଆଙ୍କ ଝିଅ ଦୁଇ ଚୁଟି କରିଥିବାବେଳେ ଧଳା ରଙ୍ଗର ଫ୍ରକ୍ରେ ବହୁତ କ୍ୟୁଟ୍ ଲାଗୁଥିଲେ । କିନ୍ତୁ ଭିଡିଓରେ ରାହାଙ୍କ ମୁହଁ ଲୁଚି ରହିଛି । ଭିଡିଓକୁ ଦେଖିଲେ ଲାଗୁଛି ଯେ ରବିବାର ଦିନ ଉଭୟ ମା’ ଏବଂ ଝିଅ ଆଉଟିଂ ପାଇଁ ବାହାରିଛନ୍ତି । ଏହି ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ପ୍ରଶଂସକମାନେ ରାହାଙ୍କୁ ହୃଦୟ ଖୋଲି ପ୍ରେମ ବର୍ଷା କରୁଛନ୍ତି । ତେବେ ଏହି ସମୟରେ ରାହାଙ୍କ ପିତା ରଣବୀର କପୁର ନଜର ଆସିନଥିଲେ ।
ଏହା ମଧ୍ୟ ପଢନ୍ତୁ: ଝିଅ ରାହା ସହିତ ନଜର ଆସିଲେ ଆଲିଆ ରଣବୀର, କ୍ୟାମେରାରେ କଏଦ ହେଲା ଫଟୋ
ଏହି ଦମ୍ପତି ପାପାରାଜିଙ୍କୁ କରିଥିଲେ ଅନୁରୋଧ
କହିରଖୁଛୁ ଯେ, ଝିଅ ରାହାଙ୍କ ଜନ୍ମର କିଛି ମାସ ପରେ ରଣବୀର ଏବଂ ଆଲିଆ ସମସ୍ତ ପାପାରାଜିଙ୍କ ସହ ଏକ ବିଶେଷ ସାକ୍ଷାତ କରିଥିଲେ ଏବଂ ସେମାନଙ୍କ ଝିଅର ଫଟୋ ମଧ୍ୟ ଦେଖାଇଥିଲେ । ଏହା ସହିତ ତାଙ୍କ ଝିଅର ଫଟୋ ସୋସିଆଲ ମିଡିଆରେ ସେୟାର ନକରିବା ପାଇଁ ଦମ୍ପତି ପାପାରାଜିଙ୍କୁ ଅନୁରୋଧ କରିଥିଲେ । କେବଳ ଆଲିଆ ରଣବୀର ନୁହଁନ୍ତି, ଅଭିନେତ୍ରୀ ଅନୁଷ୍କା ଶର୍ମା ଓ ବିରାଟ କୋହଲି ମଧ୍ୟ ତାଙ୍କ ଝିଅ ଭାମିକାର ଫଟୋ କ୍ଲିକ୍ ନ କରିବା ପାଇଁ ପାପାରାଜିଙ୍କୁ ଅନୁରୋଧ କରିଥିଲେ ।
ଏହା ମଧ୍ୟ ପଢନ୍ତୁ: Alia Bhatt New Movie: ଧମାଲ ମଚାଇବ ଜିଗ୍ରା ! ଦମଦାର ମୋସନ୍ ପୋଷ୍ଟର ସହ ରିଲିଜ ଡେଟ୍ ଘୋଷଣା
ଆଲିଆଙ୍କ ଓ୍ୱାର୍କଫ୍ରଣ୍ଟ୍ ବିଷୟରେ କହିବାକୁ ଗଲେ ଅଭିନେତ୍ରୀ ଖୁବ୍ଶୀଘ୍ର ‘ଜିଗ୍ରା’ରେ ନଜର ଆସିବେ । ନିକଟରେ ଫିଲ୍ମର ପ୍ରଥମ ଲୁକ୍ ରିଲିଜ୍ ହୋଇଛି, ଯାହା କି ଆଲିଆ କରଣ ଜୋହରଙ୍କ ଧର୍ମ ପ୍ରଡକ୍ସନ୍ସ ସହ ମିଳିତ ଭାବରେ ପ୍ରଡ୍ୟୁସ କରୁଛନ୍ତି । 27 ସେପ୍ଟେମ୍ବର 2024ରେ 'ଜିଗ୍ରା' ପ୍ରେକ୍ଷାଳୟରେ ମୁକ୍ତିଲାଭ କରିବ ।
