ହାଇଦ୍ରାବାଦ: କପୁର ପରିବାରରୁ ଆସିଲା ଖୁସି ଖବର । ମାଆ ହେଲେ ବଲିଉଡର ଅଭିନେତ୍ରୀ ଆଲିଆ ଭଟ୍ଟ । ସୂଚନାଅନୁସାରେ ଆଲିଆ ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି । ଏଚଏନ୍ ରିଲାଏନ୍ସ ହସ୍ପିଟାଲରେ ଶିଶୁ କନ୍ୟାର ମା’ ହୋଇଛନ୍ତି ଆଲିଆ । ବଲିଉଡର ମୋଷ୍ଟ ଲଭିଂ କପଲ ଭାବେ ଜଣାଶୁଣା ରଣବୀର ଓ ଆଲିଆ ବାପା ମାଆ ହେବାପରେ ତାଙ୍କୁ ଚାରିଆଡୁ ଶୁଭେଚ୍ଛାର ସୁଅ ଛୁଟିଛି ।
ଏହା ମଧ୍ୟ ପଢନ୍ତୁ: Assembly By-Polls: ଉତ୍ତରପ୍ରଦେଶରେ ଜିତିଲା ବିଜେପି, ଆରଜେଡି କବ୍ଜାରେ ମୋକମା
ବ୍ରହ୍ମାସ୍ତ୍ର କପଲ ଭାବେ ଜଣାଶୁଣା କପଲ ଆଜି ଅପରାହ୍ନରେ ପ୍ରଥମ ସନ୍ତାନକୁ ସ୍ବାଗତ କରିଛନ୍ତି । ଏହି ଖୁସି ଖବର ଶୁଣି ଆଲିଆ ଓ ରଣବୀରଙ୍କ ପ୍ରଶଂସକମାନେ ବହୁତ ଖୁସି ହୋଇଛନ୍ତି । ଏପର୍ଯ୍ୟନ୍ତ ଆଲିଆ କିମ୍ବା ରଣବୀରଙ୍କ ପକ୍ଷରୁ କୌଣସି ପ୍ରକାରର ସୂଚନା ଦିଆଯାଇନାହିଁ ।
ଏହା ମଧ୍ୟ ପଢନ୍ତୁ: Bypolls results 2022 Updates: 3 ରାଜ୍ୟରେ ବିଜେପି ଆଗୁଆ, ତେଲେଙ୍ଗାନାରେ TRS
ସୂଚନାଅନୁସାରେ, ଆଲିଆ ଓ ରଣବୀର ଦୀର୍ଘ ଦିନର ଡେଟିଂ ପରେ ଚଳିତ ବର୍ଷ ଏପ୍ରିଲ ମାସରେ ବିବାହ କରିଥିଲେ । ତେବେ ବିବାହର ଦୁଇ ମାସ ପରେ ଜୁନ ମାସରେ ହିଁ ଗୁଡ୍ ନ୍ୟୁଜ ଦେଇଥିଲେ ଆଲିଆ । ଏହି ଖବର ଶୁଣିବାପରେ ଆଲିଆଙ୍କ ଖୁସିଖବରକୁ ଚାହିଁ ରହିଥିଲେ ପ୍ରଶଂସକ । ଆଜି ସକାଳ ୭.୩୦ ସମୟରେ ମୁମ୍ବାଇର ଅମ୍ବାନୀ ହସ୍ପିଟାଲରେ ନଜର ଆସିଥିଲେ । ଆଲିଆଙ୍କୁ ମୁମ୍ବାଇର ଏଚ୍ ଏନ ରିଲାଏନ୍ସ ଫାଉଣ୍ଡେସନ୍ ହସ୍ପିଟାଲ୍ ଏବଂ ରିସର୍ଚ୍ଚ ସେଣ୍ଟରରେ ଭର୍ତ୍ତି କରାଯାଇଥିଲା । ବର୍ତ୍ତମାନ ଆଲିଆ ଅକ ଶିଶୁକନ୍ୟାକୁ ଜନ୍ମ ଦେଇଥିବା ନେଇ ସୂଚନା ରହିଛି ।
