ହାଇଦ୍ରାବାଦ: ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ପ୍ରଶଂସକଙ୍କ ଅପେକ୍ଷା ଶେଷ ହୋଇଛି । ଏହି ହିଟ୍ ଯୋଡିଙ୍କ ରୋମାଣ୍ଟିକ୍-ଡ୍ରାମା ଚଳଚ୍ଚିତ୍ର 'ରକି ଔର ରାନୀ କି ପ୍ରେମ କାହାନୀ'ର ଟ୍ରେଲର ଆଜି ରିଲିଜ ହୋଇଛି । ପୂର୍ବରୁ ପୋଷ୍ଟର, ଟିଜର ଏବଂ ଏକ ରୋମାଣ୍ଟିକ ଗୀତ 'ତୁମ୍ କ୍ୟା ମିଲେ' ରିଲିଜ୍ ହୋଇସାରିଛି । ଯାହା ଫ୍ୟାନ୍ସକୁ ବେଶ ପସନ୍ଦ ଆସିଛି । ସୋସିଆଲ ମିଡିଆରେ ଫିଲ୍ମର ଟ୍ରେଲର ରିଲିଜ ହୋଇଛି । ତେବେ ଟ୍ରେଲକୁ ଫ୍ୟାନ୍ସ ବେଶ ପସନ୍ଦ କରୁଥିବା ବେଳେ ଫିଲ୍ମ ରିଲିଜକୁ ଉତ୍ସାହର ସହ ଅପେକ୍ଷା କରିଛନ୍ତି ।
- " class="align-text-top noRightClick twitterSection" data="">
କରଣ ଜୋହର 7 ବର୍ଷ ପରେ ପୁଣି ଏକ ନୂଆ ପ୍ରେମ କାହାଣୀ ସହିତ ବଡ଼ ପରଦାକୁ ଫେରିଛନ୍ତି । ପୁଣି ଥରେ ଏହି ଚଳଚ୍ଚିତ୍ରରେ ବଲିଉଡ ଷ୍ଟାଇଲ୍ ଦର୍ଶକ ରୋମାନ୍ସ ଦେଖିବାକୁ ପାଇବେ । 'ରକି ଔର ରାନୀ କି ପ୍ରେମ କାହାନୀ'ରେ ଆଲିଆ ଅର୍ଥାତ ରାନୀ ଏବଂ ରଣବୀର ଅର୍ଥାତ ରକିଙ୍କ ଲଭଷ୍ଟୋରୀ ଦେଖିବାକୁ ମିଳିଛି । ଏହି ଚଳଚ୍ଚିତ୍ରରେ ରଣବୀର ସିଂ ଜଟ ପଞ୍ଜାବୀ ପରିବାର ଏବଂ ଆଲିଆଙ୍କ ଚରିତ୍ର ଜଣେ ବଙ୍ଗାଳୀ ପରିବାରର ରହିଛନ୍ତି । ଭିନ୍ନ ପରିବାରର ଏକ କ୍ୟୁଟ୍ ଲଭଷ୍ଟୋରୀକୁ ନେଇ ଫିଲ୍ମ ପ୍ରସ୍ତୁତ କରାଯାଇଛି । ତେବେ ପ୍ରତିଶୃତି ଅନୁଯାୟୀ ନିର୍ମାତା ଆଜି ଫିଲ୍ମର ଟ୍ରେଲର ରିଲିଜ କରିଛନ୍ତି ।
3 ମିନିଟ 21 ସେକେଣ୍ଡର ଟ୍ରେଲର ଆରମ୍ଭରେ, ରଣଭୀର ଏବଂ ଆଲିଆଙ୍କ ପ୍ରେମ କାହାଣୀ କିପରି ଆଗକୁ ବଢିଛି ତାହା ଦର୍ଶାଯାଇଛି । ତେବେ ସେମାନଙ୍କ ପରିବାର ବହୁତ ଭିନ୍ନ ଥିବାରୁ ଉଭୟ ନିଷ୍ପତ୍ତି ନେଇଛନ୍ତି ଯେ ତିନି ମାସ ପର୍ଯ୍ୟନ୍ତ ରାନୀ ରକିଙ୍କ ଘରେ ଏବଂ ରକି ରାନୀଙ୍କ ଘରେ ରହିବେ । ଏହି ସମୟରେ ଉଭୟଙ୍କ ପରିବାର ସେମାନଙ୍କ ସମ୍ପର୍କ ଭାଙ୍ଗିବାକୁ ଚେଷ୍ଟା କରନ୍ତି । ଟ୍ରେଲରର ଶେଷରେ ଉଭୟଙ୍କ ମଧ୍ୟରେ ବ୍ରେକଅପ୍ ହୋଇଯାଉଥିବା ଦେଖିବାକୁ ମିଳିଛି । ତେବେ ସେମାନଙ୍କ ଲଭଷ୍ଟୋରୀ ସଫଳ କରିରପାରୁଛନ୍ତି କି ନାହିଁ ତାହା ଫିଲ୍ମ ଦେଖିବା ପରେ ହିଁ ଜଣାପଡିବ ।
ଏହା ମଧ୍ୟ ପଢନ୍ତୁ: 'ରକି ଔର ରାନୀ କି ପ୍ରେମ କାହାନୀ'ର ପ୍ରଥମ ଗୀତ ରିଲିଜ
କେବେ ରିଲିଜ ହେବ ରକି ଔର ରାନୀ କି ପ୍ରେମ କାହାନୀ ?
ଗଲି ବୟ ପରେ ଆଲିଆ ଭଟ୍ଟ ଏବଂ ରଣଭୀର ସିଂ ଏହି ଫିଲ୍ମରେ ପୁଣି ଥରେ ଏକାଠି ନଜର ଆସିବେ । ରଣଭୀର ସିଂ ଏବଂ ଆଲିଆ ଭଟ୍ଟଙ୍କ ବ୍ୟତୀତ ଭେଟେରାନ୍ ଅଭିନେତା ଧର୍ମେନ୍ଦ୍ର, ଜୟା ବଚ୍ଚନ ଏବଂ ଶବାନା ଆଜମୀ ମଧ୍ୟ ଏହି ଫିଲ୍ମରେ ନଜର ଆସିବେ । ଏହି ଚଳଚ୍ଚିତ୍ର ହିନ୍ଦୀ ସିନେମାର ପ୍ରଥମ ଚଳଚ୍ଚିତ୍ର, ଯାହା ଦିଲ୍ଲୀ ଏବଂ କାଶ୍ମୀର ସମେତ ଦେଶର ଅଧିକାଂଶ ସହରରେ ସୁଟିଂ କରାଯାଇଛି । ଫିଲ୍ମଟି ଜୁଲାଇ 28ରେ ସିନେମାହଲରେ ରିଲିଜ କରିବ ।
