ହାଇଦ୍ରାବାଦ: ଅନେକ ବଲିଉଡ ସୁପରଷ୍ଟାର ଅଭିନୟ ସହ କ୍ରିକେଟ୍ ପ୍ରତି ବହୁତ ଆଗ୍ରହ ରହିଛି । ଅନେକ ସେଲିବ୍ରିଟି ମଧ୍ୟ କ୍ରିକେଟ୍ ଦଳର ମାଲିକ ଅଟନ୍ତି । ଏଥିରେ ଶାହାରୁଖ ଖାନ ଠାରୁ ଜୁହି ଚାୱଲା ଏବଂ ପ୍ରୀତି ଜିଣ୍ଟା ସମେତ ତାରକାଙ୍କ ନାଁ ସାମିଲ ଅଛି । ବର୍ତ୍ତମାନ ଏହି ତାଲିକାରେ ବଲିଉଡର ଖିଲାଡି କୁମାର ଅକ୍ଷୟ କୁମାରଙ୍କ ନାମ ଯୋଡି ହୋଇଛି । ଏବେ ଅକ୍ଷୟ କୁମାର ମଧ୍ୟ ଏକ କ୍ରିକେଟ୍ ଟିମର ମାଲିକ ହୋଇଛନ୍ତି । ଏହି ଅଭିନେତା ନୂତନ ଇଣ୍ଡିଆନ୍ ଷ୍ଟ୍ରିଟ୍ ପ୍ରିମିୟର ଲିଗରେ ଶ୍ରୀନଗର ଟିମ କିଣିଛନ୍ତି ।
ଅକ୍ଷୟ କୁମାର ଇନଷ୍ଟାଗ୍ରାମରେ ଇଣ୍ଡିଆନ କ୍ରିକେଟ୍ ଟିମର ମାଲିକ ହୋଇଥିବା ନେଇ ସୂଚନା ଦେଇଛନ୍ତି । ସେ ଏକ ଭିଡିଓ ସେୟାର କରି ଲେଖିଛନ୍ତି, ''ସିନେମାଠାରୁ ଷ୍ଟାଡିୟମ ପର୍ଯ୍ୟନ୍ତ! ମୁଁ ଗର୍ବିତ ଯେ ମୁଁ ଶ୍ରୀନଗର (ଜାମ୍ମୁ କାଶ୍ମୀର) ର ଏକ ଦଳର ମାଲିକ ଭାବରେ ଇଣ୍ଡିଆନ୍ ଷ୍ଟ୍ରିଟ୍ ପ୍ରିମିୟର ଲିଗକୁ ଆସୁଛି । ମୋ ଦଳରେ ଖେଳିବାର ଏକ ସୁଯୋଗ ଅପେକ୍ଷା କରିଛି।'' ଏହି ଟିମର ରେଜିଷ୍ଟ୍ରେସନ କରିବା ପାଇଁ ସେ ଏକ ଲିଙ୍କ୍ ମଧ୍ୟ ଦେଇଛନ୍ତି ।
ଏଥିସହ ଏକ ସାକ୍ଷାତକାରରେ ଖିଲାଡି କୁମାର ତାଙ୍କ ନୂଆ ପ୍ରୟାସ ବିଷୟରେ କହିଛନ୍ତି, 'ଆଇଏସପିଏଲ (The Indian Street Premier League (ISPL) ଏବଂ ଶ୍ରୀନଗର ଦଳର ଅଂଶ ହୋଇ ମୁଁ ବହୁତ ଖୁସି । ଏହି ଟୁର୍ଣ୍ଣାମେଣ୍ଟ କ୍ରିକେଟ୍ ଦୁନିଆରେ ଗେମ ଚେଞ୍ଜକର ପ୍ରମାଣିତ ହେବ ଏବଂ ମୁଁ ଏହି ଅନନ୍ୟ କ୍ରୀଡା ପ୍ରୟାସର ଅଗ୍ରଭାଗରେ ରହିବାକୁ ଉତ୍ସାହୀ ଅଟେ । ସୂଚନା ଥାଉ କି, ଏହି ଟୁର୍ଣ୍ଣାମେଣ୍ଟ ୨୦୨୪ ମାର୍ଚ୍ଚ ୨ ରୁ ମାର୍ଚ୍ଚ ୯ ପର୍ଯ୍ୟନ୍ତ ଷ୍ଟାଡିୟମରେ ଖେଳାଯିବ ।
ଅକ୍ଷୟ କୁମାରଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଅଭିନେତା ଶେଷଥର ପାଇଁ ମିଶନ୍ ରାନୀଗଞ୍ଜରେ ଦେଖିବାକୁ ମିଳିଥିଲା । ଏହି ଫିଲ୍ମ ବକ୍ସ ଅଫିସରେ ଭଲ ପ୍ରଦର୍ଶନ କରିନଥିଲା। ଅକ୍ଷୟ କୁମାରଙ୍କୁ ଅଲି ଅବ୍ବାସ ଜାଫରଙ୍କ 'ବଡେ ମିୟାଁ ଛୋଟେ ମିୟାଁ'ରେ ଦେଖିବାକୁ ମିଳିବ । ଯାହା ଏପ୍ରିଲରେ ଇହ ଅବସରରେ ମୁକ୍ତିଲାଭ କରିବ । ଏହି ଫିଲ୍ମରେ ସେ ଟାଇଗର ଶ୍ରଫ୍ ନଜର ଆସିବେ ।
ଏଥିସହ ଅକ୍ଷୟ ପରବର୍ତ୍ତୀ ସମୟରେ ରୋହିତ ଶେଟ୍ଟୀଙ୍କ 'ସିଙ୍ଘମ ଏଗେନ'ରେ ନଜର ଆସିବେ । ଏହି ଫିଲ୍ମରେ ମଲ୍ଟି ଷ୍ଟାର ନଜର ଆସିବେ । ଏଥିରେ ଅଜୟ ଦେବଗନ, ରଣଭୀର ସିଂ, ଦୀପିକା ପାଦୁକୋନ, କରୀନା କପୁର, ଟାଇଗର ଶ୍ରଫଙ୍କୁ ଦେଖିବାକୁ ମିଳିବ । ଏହା ବ୍ୟତୀତ ହାଉସଫୁଲ 5 ଫିଲ୍ମ ବର୍ତ୍ତମାନ 6 ଜୁନ୍ 2025ରେ ମୁକ୍ତିଲାଭ କରିବ । ସାଜିଦ ନାଦିଆଡୱାଲାଙ୍କ ଦ୍ୱାରା ହାଉସଫୁଲ୍ ୫ ନିର୍ମିତ ହେଉଥିବା ବେଳେ ତରୁଣ ମନସୁଖାନି ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ ।
