ଭୋପାଳ: ବଲିଉଡ ସୁପରଷ୍ଟାର ଅକ୍ଷୟ କୁମାର ଆଜି (ସେପ୍ଟେମ୍ବର 9) ତାଙ୍କର 56 ତମ ଜନ୍ମଦିନ ପାଳନ କରୁଛନ୍ତି । ଜନ୍ମଦିନର ବିଶେଷ ଅବସରରେ ଅକ୍ଷୟ ମଧ୍ୟପ୍ରଦେଶ ଉଜୈନ ସ୍ଥିତ ବାବା ମହାକାଳ ଜ୍ୟୋତିର୍ଲିଙ୍ଗଙ୍କ ଦର୍ଶନ କରିିଛନ୍ତି । ଏହି ସମୟରେ ଅକ୍ଷୟ କୁମାରଙ୍କ ସହ ଟିମ୍ ଇଣ୍ଡିଆର ବାମହାତୀ ଓପନିଂ ବ୍ୟାଟ୍ସମ୍ୟାନ୍ ଶିଖର ଧାୱନଙ୍କୁ ମଧ୍ୟ ଦେଖିବାକୁ ମିଳିଥିଲା । ଅକ୍ଷୟଙ୍କ ଏହି ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି ।
ଜନ୍ମଦିନର ବିଶେଷ ଅବସରରେ ଅକ୍ଷୟ କୁମାର ଉଜୈନର ରାଜା ବାବା ମହାକାଳଙ୍କ ଆଶୀର୍ବାଦ ନେଇଛନ୍ତି । ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ ଏହି ଭିଡିଓରେ ଆପଣ ଦେଖିପାରିବେ ଯେ, ଅକ୍ଷୟଙ୍କୁ ମହାକାଳ ମନ୍ଦିର ପ୍ରାଙ୍ଗଣରେେ ଦେଖିବାକୁ ମିଳୁଛି । ଏହି ସମୟରେ ସେ ମହାକାଳଙ୍କ ପୂଜା ପାଇଁ ପାରମ୍ପାରିକ ପୋଷାକ ପିନ୍ଧିଛନ୍ତି ଏବଂ ସେ ପୂର୍ଣ୍ଣ ଉତ୍ସାହର ସହିତ ମହାକାଳଙ୍କ ଆରତୀରେ ସାମିଲ ହୋଇଛନ୍ତି । ଅକ୍ଷୟଙ୍କ ଭଉଣୀ, ଭଣଜା ଏବଂ ପୁଅ ଆରବ ମଧ୍ୟ ତାଙ୍କ ସହ ନଜର ଆସିଛନ୍ତି । ଶିଖର ଧାୱନ ମଧ୍ୟ ତାଙ୍କ ପରିବାର ସହିତ ଥିଲେ। ପୂଜାରେ ଶିଖର ଧାୱନ ଭାରତୀୟ ଦଳର ବିଜୟ ତଥା ଦେଶର ପ୍ରଗତି ପାଇଁ ପ୍ରାର୍ଥନା କରିଥିଲେ ।
ଏହା ମଧ୍ୟ ପଢନ୍ତୁ: Box Office Collection: 25 ଦିନରେ ଏତିକି ଆୟ କଲା ସନ୍ନି ଦେଓଲ ଏବଂ ଅକ୍ଷୟ କୁମାରଙ୍କ ଫିଲ୍ମ
ଅକ୍ଷୟ ଭଗବାନ ମହାକାଳଙ୍କ ଆର୍ଶୀବାଦ ନେଇଥିଲେ । ଗଣମାଧ୍ୟମ ସହ ଆଲୋଚନା ବେଳେ ଅକ୍ଷୟ କୁମାର କହିଛନ୍ତି ଯେ, ଦେଶର ପ୍ରଗତି ପାଇଁ ସେ ପ୍ରାର୍ଥନା କରିଛନ୍ତି । ଯେତେବେଳେ ତାଙ୍କୁ କ୍ରିକେଟ୍ ବିଶ୍ୱକପ୍ ବିଷୟରେ ଏକ ପ୍ରଶ୍ନ ପଚରାଗଲା, ଅକ୍ଷୟ କୁମାର କହିଥିଲେ ପ୍ରଭୁ ମହାକାଳଙ୍କ ପାଇଁ ବିଶ୍ୱକପ୍ ବହୁତ ଛୋଟ କଥା । ଦେଶର ପ୍ରଗତି ଏବଂ ସମୃଦ୍ଧତା ପାଇଁ ତାଙ୍କୁ କାମନା କରାଯାଇଛି । ଅକ୍ଷୟ କୁମାରଙ୍କ ଏହି ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେଉଛି । ଅନେକ ଲୋକ ସେମାନଙ୍କର ପ୍ରିୟ ଅଭିନେତାଙ୍କୁ ତାଙ୍କ ଜନ୍ମଦିନରେ ଅଭିନନ୍ଦନ ମଧ୍ୟ ଜଣାଉଛନ୍ତି । ଉଲ୍ଲେଖନୀୟ ଯେ, ନିକଟରେ ଅକ୍ଷୟ ଚଳଚ୍ଚିତ୍ର 'ଓ ମାଇଁ ଗଡ୍ ୨'ରେ ପ୍ରଭୁ ଶଙ୍କର ଭୂମିକାରେ ଅଭିନୟ କରିଥିଲେ, ଯାହା ଉଜୈନର ମହାକାଳଙ୍କ ସହ ଜଡିତ ଥିଲା ।
ଅକ୍ଷୟଙ୍କ ଓ୍ୱାର୍କଫ୍ରଣ୍ଟ
ଅକ୍ଷୟଙ୍କ ଓ୍ୱାର୍କଫ୍ରଣ୍ଟ ବିଷୟରେ କହିବା ତ, ଗୋଟିଏ ବର୍ଷରେ ପ୍ରାୟ 3-4 ଚଳଚ୍ଚିତ୍ର କରିବା ପାଇଁ ଖିଲାଡି କୁମାର ଜଣାଶୁଣା । ଯଦି ଆମେ ଅକ୍ଷୟ କୁମାରଙ୍କ ଆଗାମୀ ଚଳଚ୍ଚିତ୍ର ବିଷୟରେ କଥା ହେବା ତ, ତେବେ ଆଗାମୀ ସମୟରେ ଏହି ଅଭିନେତାଙ୍କୁ 'ମିଶନ୍ ରାନିଗଞ୍ଜ, ବଡେ ମିୟାଁ ଛୋଟେ ମିୟାଁ, ହେରା ଫେରି 3 ଏବଂ ଓ୍ୱେଲକମ୍ 3' ଭଳି ଅନେକ ଦମଦାର ଚଳଚ୍ଚିତ୍ରରେ ଦେଖିବାକୁ ମିଳିବ । ନିକଟରେ ଅଭିନେତାଙ୍କ ଫିଲ୍ମ 'ମିଶନ ରାନିଗଞ୍ଜ - ଦ ଭାରତ ରେସ୍କ୍ୟୁ' ର ଟିଜର ଭିଡିଓ ମଧ୍ୟ ସାମ୍ନାକୁ ଆସିଛି ଯାହା ପ୍ରଶଂସକଙ୍କ ଉତ୍ସାହକୁ ବଢାଇ ଦେଇଛି ।
