ମୁମ୍ବାଇ: ବଲିଉଡ ସୁପରଷ୍ଟାର ଅଜୟ ଦେବଗାନଙ୍କ ବାପା ଭୀରୁ ଦେବଗନଙ୍କ ଜନ୍ମବାର୍ଷିକୀ । ବାପାଙ୍କ ଜନ୍ମଦିନରେ ଅଜୟ ଏକ ବିଶେଷ ଢଙ୍ଗରେ ଶୁଭେଚ୍ଛା ଜଣାଇଛନ୍ତି । ଅଜୟ ତାଙ୍କ ସୋସିଆଲ ମିଡିଆରେ ଏକ ସ୍ପେଶାଲ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ତାଙ୍କ ବାପାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏହି ଭିଡିଓରେ ତାଙ୍କ ପିତାଙ୍କ ସହ ବିତାଇଥିବା କିଛି ବିଶେଷ ମୁହୂର୍ତ୍ତର ଝଲକ ସାମିଲ କରିଥିଲେ ।
ନିଜ ଇନଷ୍ଟାଗ୍ରାମରେ ଅଜୟ ଦେବଗନ୍ ଆଜି ତାଙ୍କ ବାପାଙ୍କ ଜନ୍ମଦିନର ବିଶେଷ ମୁହୂର୍ତ୍ତରେ ତାଙ୍କ ପ୍ରଡକ୍ସନ୍ କମ୍ପାନୀ ଦ୍ୱାରା ସେୟାର କରାଯାଇଥିବା ଏକ ସ୍ୱତନ୍ତ୍ର ଭିଡିଓ ସେୟାର କରିଛନ୍ତି । ଯାହାର କ୍ୟାପସନରେ ସେ ଲେଖିଛନ୍ତି, 'ମୁଁ ଆଜି ଯାହା ବି ହୋଇଛି କେବଳ ତୁମ ପାଇଁ, ଜନ୍ମଦିନର ଶୁଭେଚ୍ଛା ପାପା ।' ଏହା ସହିତ ଅଜୟ ଏକ ବ୍ଲୁ ହାର୍ଟ ଇମୋଜି ମଧ୍ୟ ସେୟାର କରିଛନ୍ତି । ସେୟାର ଭିଡିଓ ଆରମ୍ଭରେ ଅଜୟ ଦେବଗନ କହିଛନ୍ତି, 'ମୋ ବାପା ମୋର ସବୁଠାରୁ ବଡ ପ୍ରେରଣା ଏବଂ ମୁଁ ଆଜି ଯାହା ବି ହୋଇଛି ମୋ ବାପାଙ୍କ କାରଣରୁ । ଏହା ପରେ, ଭିଡିଓରେ ଏକ କ୍ଲିପ୍ ଅଛି ଯେଉଁଥିରେ ଭୀରୁ ଦେବଗନ୍ ଅଜୟଙ୍କ ବିଷୟରେ କହିଛନ୍ତି ଯେ, 'ସେ ଜନ୍ମ ହେବା ଦିନ ଠାରୁ ମୁଁ ଭାବୁଥିଲି ଯେ ସେ ଜଣେ ଅଭିନେତା ହେବେ, ସଫଳ ହେବେ କି ନାହିଁ ଏହା ତ ଦୁନିଆ କହିବ ।’
ଭିଡିଓର ପରବର୍ତ୍ତୀ ଭାଗରେ ଭୀରୁ ଦେବଗନ୍ ଏବଂ କାଜୋଲ ଏକ ପୁରସ୍କାର କାର୍ଯ୍ୟକ୍ରମରେ ନଜର ଆସିଛନ୍ତି । ଏହି ସମୟରେ ଭୀରୁ କୁହନ୍ତି ଯେ, 'ବଲିଉଡକୁ ଧନ୍ୟବାଦ ।' ଏହି ଭିଡିଓରେ ଅଜୟ ଦେବଗନ୍ ଏବଂ ଭୀରୁ ଦେବଗାନଙ୍କ ଅନେକ ସ୍ମରଣୀୟ ମୁହୂର୍ତ୍ତ ଦେଖିବାକୁ ମିଳିଛି । ଏହା ସହିତ ଅଜୟ ତାଙ୍କ ବାପାଙ୍କ ସହ କିଛି ପୁରୁଣା ଫଟୋ ମଧ୍ୟ ସେୟାର କରିଥିଲେ ଯାହାକି ତାଙ୍କ କ୍ୟାରିୟରର ପ୍ରଥମ ଦିନର ଫଟୋ ।
ଅଜୟ ଦେବଗନଙ୍କ ପିତା ଫିଲ୍ମ ଇଣ୍ଡଷ୍ଟ୍ରିରେ ଜଣେ ଜଣାଶୁଣା ଆକ୍ସନ୍ କୋରିଓଗ୍ରାଫର ଥିଲେ । ସେ ଅନେକ ବଲିଉଡ ସୁପରହିଟ୍ ଚଳଚ୍ଚିତ୍ର, ରୋଟି କପଡା ଔର ମକାନ, କ୍ରାନ୍ତି, ମିଷ୍ଟର ନଟୱରଲାଲ, ପ୍ରେମ ରୋଗ, ଫୁଲ ଅର କାଣ୍ଟେ, ଜିଗର ଏବଂ ରାମ ତେରୀ ଗଙ୍ଗା ମେଲି ଭଳି ଫିଲ୍ମରେ କାମ କରିଛନ୍ତି । 2019 ମେ ମାସରେ ଭୀରୁ ଦେବଗନଙ୍କର ଦେହାନ୍ତ ହୋଇଥିଲା ।
ଅଜୟଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଅଜୟ ଏକ କ୍ରୀଡା ଭିତ୍ତିକ ଫିଲ୍ମ ମୈଦାନରେ ନଜର ଆସିବେ । ଏହି ଫିଲ୍ମ ଜଣେ ବ୍ୟକ୍ତିଙ୍କ ପ୍ରକୃତ କାହାଣୀ ନେଇ ପ୍ରସ୍ତୁତ କରାଯାଇଛି । ଯିଏ ଭାରତ ପାଇଁ ଏପରି ଇତିହାସ ଏବଂ ରେକର୍ଡ ସୃଷ୍ଟି କରିଥିଲେ । ଯାହା କି ବର୍ଷ ବର୍ଷ ପରେ ମଧ୍ୟ ଆମେ ବିଶ୍ବର ସର୍ବାଧିକ ଖେଳାଯାଇଥିବା କ୍ରୀଡ଼ାରେ ସେହି ସଫଳତା ସହ ମେଳ କରିପାରିଲୁ ନାହିଁ । ଅଜୟ ଦେବଗନଙ୍କ ବ୍ୟତୀତ ଦକ୍ଷିଣ ଅଭିନେତ୍ରୀ ପ୍ରିୟମଣି, ଗଜରାଜ ରାଓ ଏବଂ ଦକ୍ଷିଣ ଅଭିନେତ୍ରୀ କିର୍ତ୍ତୀ ସୁରେଶଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ଏହି ଫିଲ୍ମରେ ଆର୍ ରେହମାନ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ସେପଟେ କାଜୋଲ ଲଷ୍ଟ ଷ୍ଟୋରୀ 2ରେ ନଜର ଆସିବେ । ଯାହା ଓଟିଟି ପ୍ଲାଟଫର୍ମରେ ଜୁନ 29ରେ ରିଲିଜ ହେବ।
