ହାଇଦ୍ରାବାଦ: ଲୋକପ୍ରିୟ କନ୍ନଡ ଅଭିନେତା ପୁନିତ ରାଜକୁମାର ୨୦୨୧ ଅକ୍ଟୋବରରେ ଦୁନିଆରୁ ବିଦାୟ ନେଇସାରିଛନ୍ତି । ତାଙ୍କ ମୃତ୍ୟୁ ଖବର ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଶେଷ ଚଳଚ୍ଚିତ୍ର 'ଜେମ୍ସ', ତାଙ୍କ ଜନ୍ମଦିନ (ମାର୍ଚ୍ଚ 17) ରେ ମୁକ୍ତିଲାଭ କରିଥିଲା, ଯାହାକି ବକ୍ସ ଅଫିସରେ ଧମାଲ ମଚାଇଦେଇଥିଲା । ଏଥି ସହିତ, ବର୍ତ୍ତମାନ 'ଜେମ୍ସ' ଖୁବ୍ ଶୀଘ୍ର OTT ପ୍ଲାଟଫର୍ମରେ ଆସିବାକୁ ଯାଉଛି । ଏହି ଖବର ଶୁଣି ଫ୍ୟାନ୍ସ ବହୁତ ଖୁସି ହୋଇଯାଇଛନ୍ତି ।
- " class="align-text-top noRightClick twitterSection" data="
">
ଇନଷ୍ଟାଗ୍ରାମରେ ପୋଷ୍ଟ ସେୟାର କରି ସୋନି ଲିଭ ଇଣ୍ଡିଆ ଦ୍ୱାରା ଏହି ସୂଚନା ଦିଆଯାଇଛି। ଏଥିରେ ଲେଖା ଅଛି ଯେ, ଜଲୱା ହେବ ତ ଜେମ୍ସ ପରି। ସାଉଥର ସୁପରଷ୍ଟାର୍ ପୁନିତ ରାଜକୁମାର 14 ଏପ୍ରିଲରେ କେବଳ ସୋନି ଲିଭରେ ନିଜର ଜଲଓ୍ବା ଦେଖାଇବାକୁ ଆସୁଛନ୍ତି । ଏଭଳି ପରିସ୍ଥିତିରେ ଲୋକମାନେ ଘରେ ବସି ଏହି ଚଳଚ୍ଚିତ୍ରକୁ ଉପଭୋଗ କରିପାରିବେ ।
ପୁନିତ ରାଜକୁମାର ଏହି ଚଳଚ୍ଚିତ୍ରରେ କମାଣ୍ଡୋ ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରଟି ହିନ୍ଦୀ, ତାମିଲ, ତେଲୁଗୁ, କନ୍ନଡ ଏବଂ ମାଲାୟାଲମ୍ ଭାଷାରେ ବଡ ପରଦାରେ ମୁକ୍ତିଲାଭ କରିଥିଲା । ଏଥି ସହିତ, ଏହି ଭାଷାରେ ସୋନି ଲିଭରେ ଏପ୍ରିଲ୍ 14 ରୁ ପ୍ରସାରିତ ହେବ । ପୁନିତ ରାଜକୁମାରଙ୍କ ବ୍ୟତୀତ ଅନୁ ପ୍ରଭାକର, ଶ୍ରୀକାନ୍ତ, ଆର ସାରଥକୁମାର, ତିଲକ ଶେକର ଏବଂ ମୁକେଶ ରିଷି ଏହି ଚଳଚ୍ଚିତ୍ରରେ ପ୍ରମୁଖ ଭୂମିକାରେ ନଜର ଆସିବେ।
ସୂଚାଯୋଗ୍ୟ ଯେ, ପୁନିତ ରାଜକୁମାର 29 ଅକ୍ଟୋବର 2021 ରେ ହୃଦଘାତରେ ମୃତ୍ୟୁ ବରଣ କରିଥିଲେ। ମୃତ୍ୟୁ ବେଳକୁ ତାଙ୍କୁ 46 ବର୍ଷ ବୟସ ହୋଇଥିଲା । ତାଙ୍କ ମୃତ୍ୟୁରେ ପରିବାର, ପ୍ରଶଂସକ ଏବଂ ଚଳଚ୍ଚିତ୍ର ଇଣ୍ଡଷ୍ଟ୍ରି ଗଭୀର ଚକିତ ହୋଇଯାଇଥିଲା। ତାଙ୍କ ପରିବାରରେ ପତ୍ନୀ ଅଶ୍ୱିନୀ ପୁନୀତ କୁମାର ଏବଂ ଦୁଇ ଝିଅ ଅଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
