ହାଇଦ୍ରାବାଦ: 'ସଡକ ୨' ଏବଂ 'ବାଟଲା ହାଉସ୍' ଭଳି ଚଳଚ୍ଚିତ୍ରରେ କାମ କରୁଥିବା ଅଭିନେତ୍ରୀ କ୍ରିସନ ପରେରାଙ୍କ ପ୍ରକୃତ ଜୀବନ ମଧ୍ୟ ଏକ ରୋମାଞ୍ଚକର ଚଳଚ୍ଚିତ୍ର ପରି ଥିଲା । 27 ବର୍ଷୀୟା ଅଭିନେତ୍ରୀ ଏପ୍ରିଲ 1ରେ ମୁମ୍ବାଇରୁ ଶାରଜାହ ଅଭିମୁଖେ ଯାତ୍ରା କରିଥିଲେ । ଅଭିନେତ୍ରୀ ଏକ ଚଳଚ୍ଚିତ୍ର ଅଡିସନ ପାଇଁ ଶାରଜାହ ଯାଉଥିଲେ । ଶାରଜାହରେ ପହଞ୍ଚିବା ପରେ କ୍ରିସନଙ୍କ ପାଖରୁ ଡ୍ରଗ୍ସ ଜବତ କରାଯାଇଥିଲା, ପରେ ତାଙ୍କୁ ଗିରଫ କରାଯାଇ ଜେଲକୁ ପଠାଇ ଦିଆଯାଇଥିଲା । ପରେ ଏହା ଜଣାପଡ଼ିଲା ଯେ ଏହି ପୁରା ମାମଲା ନକଲି ଏବଂ ଅଭିନେତ୍ରୀଙ୍କୁ ଜାଲରେ ଫସିଯିବା ପରେ ଜେଲକୁ ପଠାଯାଇଥିଲା । ଏହି ମାମଲାରେ ଅଭିନେତ୍ରୀ ନିର୍ଦ୍ଦୋଷ ପ୍ରମାଣିତ ହୋଇ ଏବେ ଭାରତ ଫେରିଛନ୍ତି ।
ଭାବପ୍ରବଣ ଭିଡିଓ ପୋଷ୍ଟ କଲେ ଭାଇ
ଭାରତ ଫେରିବା ପରେ ଅଭିନେତ୍ରୀଙ୍କ ଭାଇ କେଭିନ ପରେରା ଏକ ଭିଡିଓ ପୋଷ୍ଟ କରିଛନ୍ତି, ଯେଉଁଥିରେ ସେ ବିମାନବନ୍ଦରରେ ଭାଇକୁ ଆଲିଙ୍ଗନ କରି କାନ୍ଦୁଥିବାର ନଜର ଆସିଛନ୍ତି । ଅଭିନେତ୍ରୀଙ୍କ ମାଆ ମଧ୍ୟ ତାଙ୍କୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି । ଏହି ଇମୋସନାଲ୍ ମୁହୂର୍ତ୍ତ ପୋଷ୍ଟ କରି ଅଭିନେତ୍ରୀଙ୍କ ଭାଇ ଲେଖିଛନ୍ତି, 'ଶେଷରେ କ୍ରିସନ୍ ଫେରି ଆସିଛନ୍ତି ଏବଂ ଆମେ ସମସ୍ତେ ଏକାଠି ହୋଇଛୁ । ମୁଁ ଜାଣେ ମୁଁ କହିଥିଲି ସେ ଜୁନ୍ ମାସରେ ଫେରିବେ, କିନ୍ତୁ ଟିକିଏ ଅଧିକ ସମୟ ଲାଗିଲା । ବର୍ତ୍ତମାନ ସେ ଫେରି ଆସିଛନ୍ତି।
ଏହା ମଧ୍ୟ ପଢନ୍ତୁ: ଭଙ୍ଗାଯିବ ଦିବଂଗତ ଅଭିନେତା ଦିଲୀପ କୁମାରଙ୍କ ବିଳାସପୂର୍ଣ୍ଣ ବଙ୍ଗଳା
ଶାରଜାହରୁ ଭାରତ ଆସିଲେ ଅଭିନେତ୍ରୀ
ବଲିଉଡ ଅଭିନେତ୍ରୀ କ୍ରିସନ ପେରେରା ଡ୍ରଗ୍ସ ମାମଲାରେ ବଡ ଖବର ସାମ୍ନାକୁ ଆସିଛି । ଗତକାଲି ରାତିରେ କ୍ରିସନ ପରେରା ମୁମ୍ବାଇରେ ପହଞ୍ଚିଥିଲେ । କ୍ରିସନ ପରେରା ଆଜି ମୁମ୍ବାଇ ପୋଲିସ କମିଶନର ବିବେକ ଫାନ୍ସଲକରଙ୍କୁ ଭେଟିବେ । ବାସ୍ତବରେ, ପାସପୋର୍ଟ ପାଇବାରେ ବିଳମ୍ବ ହେତୁ ସେ ମୁକ୍ତ ହେବା ପରେ ମଧ୍ୟ ଶାରଜାହରେ ଥିଲେ । ସମସ୍ତ ଆଇନଗତ ପ୍ରକ୍ରିୟା ଶେଷ କରିବା ପରେ ଆଜି ସେ ଭାରତ ଫେରିଛନ୍ତି ।
ପ୍ରତିଶୋଧ ନେବା ପାଇଁ ଅଭିନେତ୍ରୀଙ୍କ ବିରୁଦ୍ଧରେ ହୋଇଥିଲା ଷଡଯନ୍ତ୍ର
ଉଲ୍ଲେଖନୀୟ ଯେ, କ୍ରିସନ ପରେରା ଏକ ନକଲି ଡ୍ରଗ୍ ମାମଲାରେ ସମ୍ପୃକ୍ତ ଥିଲେ । ପୁରୁଣା ଝଗଡା ହେତୁ ପ୍ରତିଶୋଧ ନେବାକୁ ସେ ଜଣେ ବ୍ୟକ୍ତିଙ୍କ ଫାଶରେ ଫସିଯାଇଥିଲେ, ଯେଉଁଥିପାଇଁ ଅଭିନେତ୍ରୀଙ୍କୁ ଶାରଜାହ ଜେଲରେ ସମୟ ବିତାଇବାକୁ ପଡୁଥିଲା । ଏହି ଘଟଣା ସାମ୍ନାକୁ ଆସିବା ପରେ ମୁମ୍ବାଇ କ୍ରାଇମବ୍ରାଞ୍ଚ ସମଗ୍ର ଘଟଣାର ଅନୁସନ୍ଧାନ କରି ଅଭିନେତ୍ରୀଙ୍କୁ ନିର୍ଦ୍ଦୋଷ ପ୍ରମାଣିତ କରିଥିଲା, ଯାହା ପରେ ତାଙ୍କୁ ଶାରଜାହ ଜେଲରୁ ମୁକ୍ତ କରାଯାଇଛି ।
