ହାଇଦ୍ରାବାଦ: ଆରପାରିରେ କନ୍ନଡ ଚଳଚ୍ଚିତ୍ର ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତା ବିଜୟ ରାଘବେନ୍ଦ୍ରଙ୍କ ପତ୍ନୀ । ହୃଦଘାତରେ ବିଜୟ ରାଘବେନ୍ଦ୍ରଙ୍କ ପତ୍ନୀ ସ୍ପନ୍ଦନାଙ୍କର ରବିବାର ବିଳମ୍ବିତ ରାତିରେ ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ 44 ବର୍ଷ ବୟସ ହୋଇଥିଲା । କୁହାଯାଉଛି ଯେ ସ୍ପନ୍ଦନା ଛୁଟିଦିନ ପାଇଁ ବ୍ୟାଙ୍କକ ଯାଇଥିଲେ, ସେଠାରେ ସପିଂ କରି ନିଜ ରୁମ୍କୁ ଫେରୁଥିବା ବେଳେ ଅଭିନେତ୍ରୀଙ୍କର ହୃଦଘାତ ହୋଇଥିଲା । ପରେ ତାଙ୍କୁ ଡାକ୍ତରଖାନା ନିଆଯାଇଥିଲା, ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରାଯାଇଥିଲା । ସ୍ପନ୍ଦନାଙ୍କ ଅଚାନକ ମୃତ୍ୟୁ ପ୍ରଶଂସକଙ୍କୁ ସ୍ତବ୍ଧ କରିଦେଇଛି ।
ପରିବାର ସହିତ ଥିଲେ ସ୍ପନ୍ଦାନା
ବ୍ୟାଙ୍କକ୍ରେ ତାଙ୍କର ମୃତ୍ୟୁ ହେତୁ ପାର୍ଥୀବ ଶରୀର ପହଞ୍ଚିବାକୁ ସମୟ ଲାଗୁଛି । କୁହାଯାଉଛି ଯେ ତାଙ୍କ ପାର୍ଥୀବ ଶରୀର ଆସନ୍ତାକାଲି ଅର୍ଥାତ୍ ମଙ୍ଗଳବାର ବେଙ୍ଗାଲୁରୁରେ ପହଞ୍ଚିବ । ସେଠାରେ ତାଙ୍କର ଅନ୍ତିମ ସଂସ୍କାର କରାଯିବ । ବିଜୟ ରାଘବେନ୍ଦ୍ରଙ୍କ ପତ୍ନୀ ସ୍ପନ୍ଦନା ପରିବାର ସହିତ ଛୁଟି ମନାଇବାକୁ ବ୍ୟାଙ୍କକ ଯାଇଥିଲେ । ହଠାତ୍ ମୃତ୍ୟୁ କାରଣରୁ ଅଭିନେତ୍ରୀଙ୍କ ପରିବାର ଆଶ୍ଚର୍ଯ୍ୟ ହୋଇଯାଇଛନ୍ତି । ତେବେ ସ୍ପନ୍ଦନାଙ୍କର ରକ୍ତଚାପ କମ୍ ଥିବାରୁ ଏହା ହୃଦଘାତର କାରଣ ହୋଇଛି ବୋଲି ରିପୋର୍ଟରେ ଦର୍ଶାଯାଇଛି । ଇଣ୍ଡଷ୍ଟ୍ରିର ଏକ ସୂତ୍ରରୁ ପ୍ରକାଶ ଯେ ସେ ସୋମବାର ଭାରତ ଫେରିଯିବାର ଥିଲା ଏବଂ ଏକ ଚଳଚ୍ଚିତ୍ର ପ୍ରମୋସନରେ ଅଂଶଗ୍ରହଣ କରିବାର କାର୍ଯ୍ୟକ୍ରମ ଥିଲା।
ଏହା ମଧ୍ୟ ପଢନ୍ତୁ: RARKPK: ସ୍ବାମୀଙ୍କ ଫିଲ୍ମ ଦେଖି ସିନେମା ହଲ୍ରେ କାନ୍ଦିଲେ ଦୀପିକା, ଖୁଲାସା କଲେ ରଣଭୀର
