ହାଇଦ୍ରାବାଦ: ଶାହାରୁଖ ଖାନଙ୍କ ଆଗାମୀ ଚଳଚ୍ଚିତ୍ର ଯବାନଙ୍କୁ ତାଙ୍କ ପ୍ରଶଂସକମାନେ ଉତ୍ସାହର ସହ ଅପେକ୍ଷା କରିଛନ୍ତି । ଏହି ଚଳଚ୍ଚିତ୍ରରେ କିଙ୍ଗ୍ ଖାନଙ୍କ ସହ ନୟନତାରା, ଦୀପିକା ପାଦୁକୋନ ଏବଂ ବିଜୟ ସେଥୁପତିଙ୍କ ଭଳି ତାରକାଙ୍କୁ ଦେଖିବାକୁ ମିଳିବ । ଦମଦାର ପ୍ରିଭ୍ୟୁ ଏବଂ ଗୀତ ପରେ ବର୍ତ୍ତମାନ ଫିଲ୍ମରୁ ଶାହାରୁଖଙ୍କ ଏକ ନୂଆ ପୋଷ୍ଟର ରିଲିଜ ହୋଇଛି ।
ଶାହାରୁଖ ଖାନ ଏହି ପୋଷ୍ଟରକୁ ସୋସିଆଲ ମିଡିଆରେ ସେୟାର କରିଛନ୍ତି। ଯେଉଁଥିରେ ତାଙ୍କୁ ଏକ ଚନ୍ଦାପଣ ଲୁକ୍ରେ ଦେଖିବାକୁ ମିଳିଛି । ଶାହାରୁଖଙ୍କ ଏହି ଲୁକ୍ ଯବାନଙ୍କ ପ୍ରିଭ୍ୟୁରେ ମଧ୍ୟ ଦେଖିବାକୁ ମିଳିଥିଲା । ଏହି ପୋଷ୍ଟର୍ରେ ଶାହାରୁଖ ବହୁତ ସୁନ୍ଦର ଦେଖା ଯାଉଛନ୍ତି । ପୋଷ୍ଟର ସେୟାର କରି ସେ କ୍ୟାପ୍ସନ୍ରେ ଲେଖିଛନ୍ତି, ମୁଁ ଭଲ କି ଖରାପ, 30 ଦିନ ପରେ ଜଣାପଡିବ । ସୂଚନା ଥାଉ କି, ଏହି ଚଳଚ୍ଚିତ୍ର ରିଲିଜ୍ ପାଇଁ ମାତ୍ର ଗୋଟିଏ ମାସ ବାକି ଅଛି । ଏହି ଚଳଚ୍ଚିତ୍ରଟି 7 ସେପ୍ଟେମ୍ବରରେ ରିଲିଜ ହେବ ।
- " class="align-text-top noRightClick twitterSection" data="">
ଜୁଲାଇ 10ରେ ଫିଲ୍ମର ପ୍ରିଭ୍ୟୁ ସାମ୍ନାକୁ ଆସିଥିଲା । ଯେଉଁଥିରେ ଶାହାରୁଖଙ୍କ ଅନେକ୍ ଲୁକ୍ସ ଦେଖିବାକୁ ମିଳିଥିଲା । ସୋସିଆଲ ମିଡିଆରେ ଶାହାରୁଖଙ୍କ ନୂଆ ଲୁକ୍ ଫଟୋ ବେଶ ଭାଇରାଲ ମଧ୍ୟ ହୋଇଥିଲା। ଏହାକୁ ଦେଖିବା ପରେ ଫ୍ୟାନ୍ସଙ୍କ ମଧ୍ୟରେ ଫିଲ୍ମକୁ ନେଇ ଉତ୍ସାହ ବଢିଯାଇଛି। ନିକଟରେ ଫିଲ୍ମର ଏକ ଗୀତ ମଧ୍ୟ ରିଲିଜ୍ ହୋଇଛି, ଯାହାର ନାମ ଜିନ୍ଦା ବନ୍ଦା । ଆଜିକାଲି ଏହି ଗୀତଟି ଅନେକ ଶିରୋନାମାରେ ରହିଛି । ସୋସିଆଲ ମିଡିଆରେ ଏହା ଭାଇରାଲ ହେଉଛି ।
ଏହା ମଧ୍ୟ ପଢନ୍ତୁ: ଆସିଲା ଟ୍ରେଲର, ଟ୍ରାନ୍ସଜେଣ୍ଡର ଗୌରୀ ସାୱନ୍ତଙ୍କ ସଂଘର୍ଷର କାହାଣୀ କହିବେ ସୁସ୍ମିତା ସେନ
ଯବାନ ଶାହାରୁଖଙ୍କ ପ୍ରଡକ୍ସନ୍ କମ୍ପାନୀ ରେଡ୍ ଚିଲିସ୍ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ ହୋଇଥିବା ବେଳେ ନିର୍ଦ୍ଦେଶକ ଅଟଲି ଅହି ଫିଲ୍ମର ନିର୍ଦ୍ଦେଶନା ଦେଇଛନ୍ତି । ନୟନତାରା ଏବଂ ବିଜୟ ସେତୁପତିଙ୍କ ସହ ପ୍ରଥମ ଥର ପାଇଁ ସ୍କ୍ରିନ୍ ସେୟାର କରିବାକୁ ଯାଉଛନ୍ତି ଶାହାରୁଖ । 'ଯବାନ' ଫିଲ୍ମ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ନିର୍ମିତ ହେଉଥିବା ବେଳେ ଚଳିତ ବର୍ଷ ସେପ୍ଟେମ୍ବର 7ରେ ରିଲିଜ ହେବ । ନିର୍ଦ୍ଦେଶକ ଅଟଲିଙ୍କ ସହ ଶାହାରୁଖ ଖାନ ପ୍ରଥମ ଥର ପାଇଁ କାମ କରୁଛନ୍ତି । ତେବେ ଟ୍ରେଲର ଦେଖିବାକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି । ଯବାନଙ୍କ ପରେ ଶାହାରୁଖଙ୍କୁ ଚଳିତ ବର୍ଷ ନିର୍ଦ୍ଦେଶକ ରାଜକୁମାର ହିରାନୀଙ୍କ ଫିଲ୍ମ 'ଡଙ୍କି'ରେ ମଧ୍ୟ ଦେଖିବାକୁ ମିଳିବ । ଏଥିସହ ସଲମାନ ଖାନଙ୍କ ଫିଲ୍ମ ଟାଇଗର-3 ରେ ମଧ୍ୟ ଶାହାରୁଖଙ୍କୁ କେମିଓ ରୋଲ୍ରେ ଦେଖିବାକୁ ମିଳିବ ।
