ଭୁବନେଶ୍ବର: ପାଖେଇ ଆସିଲାଣି ନିର୍ବାଚନ । ଜୋର ଧରୁଛି ଦଳୀୟ ପ୍ରଚାର । ଭୋଟ ମାଗୁଛନ୍ତି ନେତା । ଭୋଟରଙ୍କ ମନ କିଣୁଛି ପାର୍ଟି ଗୀତ । ଓଡ଼ିଆ କିମ୍ବା ବଲିଉଡ ସବୁ ଗୀତର ମିକ୍ସ କରାଯାଇ ପ୍ରଚାର କରୁଛନ୍ତି ଦଳୀୟ କର୍ମୀ ।
ଓଡ଼ିଆ ହେଉ ଅବା ବଲିଉଡର ଗୀତ । ବିଭିନ୍ନ ପାର୍ଟି, ନେତା ଓ ଯୋଜନାରେ ଏହି ଟ୍ରାକକୁ ବସାଯାଉଛି । ଏଥିପାଇଁ ରାଜଧାନୀର ପ୍ରାୟ ସମସ୍ତ ଗୀତ ରେକଡିଂ ଷ୍ଟୁଡିଓରେ ରାତି ଦିନ ଚାଲିଛି ଗୀତ ରେକର୍ଡିଂ । ଭୋଟରଙ୍କୁ ଆକୃଷ୍ଟ କରିବା ଭଳି ଗୀତ ସଜାଡୁଛନ୍ତି ମ୍ୟୁଜିକ ଟିମ ।
ଅଧିକ ପଢନ୍ତୁ: ଆସୁଛନ୍ତି ମୋଦି...
ଗୀତ ଲେଖିବା ଠାରୁ ଗୀତରେ କେମିତି ବିଟ ମ୍ୟୁଜିକ ବାଜିବ ତାକୁ ବି ବିଶେଷ ଧ୍ୟାନ ଦେଉଛନ୍ତି ସମସ୍ତେ । ନବୀନ ବାବୁଙ୍କ ସବୁ ସରକାରୀ ଯୋଜନାକୁ ଗୋଟି ଗୋଟି କରି ଗାଉଛନ୍ତି ଗାୟକ । ଏପରିକି ଗୀତର ମଝିମଝିରେ ରାପ ବସାଯାଇ ଯୁବ ଭୋଟରଙ୍କ ଧ୍ୟାନ ଆକୃଷ୍ଟ କରିବାକୁ ପ୍ରୟାସ କରୁଛନ୍ତି ଗୀତିକାର ।
ଭୁବନେଶ୍ବରୁ ଶତରୂପା ସାମନ୍ତରାୟ, ଇଟିଭି ଭାରତ