ଭୁବନେଶ୍ବର: ପିପିଲି ପାଇଁ ନୂତନ ପ୍ରାର୍ଥୀ ଘୋଷଣା କରିଛି କଂଗ୍ରେସ । ରାଜ୍ୟର 3 ବିଧାନସଭା ଆସନରେ ଦଳ 2ଟିରେ ନୂଆ ମୁହଁକୁ ସାମିଲ କରିଛି। ପିପିଲି ଆସନରେ ଯୁଧିଷ୍ଠିରଙ୍କ ବଦଳରେ ଅଜିତ ମଙ୍ଗରାଜଙ୍କୁ ପ୍ରାର୍ଥୀ କରିଛି ଦଳ। ସେହିପରି ଖୋର୍ଦ୍ଧା ଆସନ ପାଇଁ ସ୍ୱାଗତିକା ପଟ୍ଟନାୟକ ଓ ଖଣ୍ଡପଡାରୁ ବସନ୍ତ କୁମାର ମହାରଣାଙ୍କୁ ପ୍ରାର୍ଥୀ କରିଛି।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ପିପିଲ ଆସନ ପାଇଁ ଦଳ ଯୁଧିଷ୍ଠିରଙ୍କୁ ପ୍ରାର୍ଥୀ କରିଥିଲା । ହେଲେ ନିର୍ବାଚନ ଲଢିବା ପାଇଁ ଯୁଧିଷ୍ଠିର ମନା କରିବା ପରେ ତାଙ୍କ ବଦଳରେ ଅଜିତ୍ ମଙ୍ଗରାଜଙ୍କୁ ଦଳ ପ୍ରାର୍ଥୀ କରିଛି । ସେହିପରି ଖଣ୍ଡପଡା ଆସନରୁ ଅନୁଭବ ପଟ୍ଟନାୟକଙ୍କ ଟିକେଟ୍ କାଟି ନୂଆ ମୁହଁ ଭାବେ ବସନ୍ତ ମହାରଣାଙ୍କୁ ପ୍ରାର୍ଥୀ କରିଛି।
ଭୁବନେଶ୍ୱରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
