ଭୋପାଳ: ସପ୍ତଦଶ ନିର୍ବାଚନ ପ୍ରକ୍ରିୟା ଅନ୍ତିମ ପର୍ଯ୍ୟାୟରେ ପହଞ୍ଚିଥିବା ବେଳେ ଆସନ୍ତା 23ରେ ପ୍ରକାଶ ପାଇବ ନିର୍ବାଚନ ଫଳ । ଏବେ ପ୍ରଚାର ମୈଦାନରେ କେହି କାହାକୁ ଛାଡିବାକୁ ପ୍ରସ୍ତୁତ ନୁହଁନ୍ତି । କ୍ଷମତା ବଜାୟ ରଖିବା ପାଇଁ ବିଜେପି ସବୁ ଶକ୍ତି ଲଗାଇ ଦେଇଥିବା ବେଳେ କ୍ଷମତାକୁ ଫେରିବା ପାଇଁ କଂଗ୍ରେସ କୌଣସି ସୁଯୋଗ ଛାଡିବାକୁ ପ୍ରସ୍ତୁତ ନୁହଁନ୍ତି ।
ଆଜି ମଧ୍ୟପ୍ରଦେଶର ରତଲାମରେ ଏକ ନିର୍ବାଚନ ସଭାକୁ ସମ୍ମୋଧିତ କରି ମୁଖ୍ଯମନ୍ତ୍ରୀ କମଳନାଥ ପ୍ରଧାନମନ୍ତ୍ରୀଙ୍କୁ ହଲ୍ଲାବୋଲ ସମାଲୋଚନା କରିଛନ୍ତି । କମଳନାଥ କହିଛନ୍ତି ଆମେ କହିଥିଲୁ ଚାଷୀଙ୍କ ଋଣ ଛାଡ କରିବୁ । ଆମ ସରକାର ଗଠନର 125ଦିନ ପରେ ସାଧାରଣ ନିର୍ବାଚନ ପାଇଁ ଆଚାର ସଂହିତା ଲାଗୁ ହେଲା ଆମ ପାଖରେ କେବଳ 75ଦିନ ସମୟଥିଲା ।
ଆଉ ଏହି ଅଳ୍ପଦିନ ଭିତରେ ଆମେ 21ଲକ୍ଷ ଚାଷୀଙ୍କ ଋଣ ଛାଡ କରିଛୁ । ଅବଶିଷ୍ଟ ବାକିଥିବା ଚାଷୀଙ୍କ ମଧ୍ୟ ଋଣଛାଡ କରାଯିବ ଆମେ ଆମ ବଚନ ରଖିବୁ ନିର୍ବାଚନ ପରେ, କାହିଁକି ନା ଆମେ ବଚନ ଦେଉ ମୋଦିଙ୍କ ଭଳି ପ୍ରବଚନ ନୁହେଁ ବୋଲି କୋମଳ ନାଥ ସମାଲୋଚନା କରିଛନ୍ତି ।
ଏହାସହ ମୋଦିଙ୍କୁ ଚେତାବନୀ ଦେବା ଛଳରେ କହିଛନ୍ତି ମୋଦିଜୀ ଆପଣଙ୍କ ସମୟ ଆସିଯାଇଛି କାହିଁକି ନାଁ ଆପଣ କହିଥିଲେ ଆଛାଦିନ ଆସିବ କିନ୍ତୁ ଆଛାଦିନ ତ ଆସିଲା ନାହିଁ ଏବେ ମୋଦିଜୀ ଆପ ‘ଜାନେ ବାଲା ହୈ’ବୋଲି କମଳ ନାଥ କହିଛନ୍ତି ।
