ଚଣ୍ଡିଗଡ଼: ହରିଆଣାରେ ହୋଇପାରେ ଆମ ଆଦମୀ ପାର୍ଟି(ଆପ) ଓ ଜନନାୟକ ଜନତା ପାର୍ଟି(ଜେଜେପି) ମଧ୍ୟରେ ମେଣ୍ଟ । ତେବେ ଏନେଇ ଶୁକ୍ରବାର ନିଷ୍ପତ୍ତି ନିଆଯିବା ସହିତ ବିଦ୍ଧିବଦ୍ଧ ଭାବେ ଘୋଷଣା ହୋଇପାରେ ।
ମେଣ୍ଟ ହେବା ପରେ ଏହି ଦୁଇ ପାର୍ଟି ରାଜ୍ୟରେ 10ଟି ଲୋକସଭା ଆସନ ମଧ୍ୟରୁ 6/4 ଅନୁପାତରେ ଆସନ ବୁଝାମଣା ହୋଇଛି । ନିର୍ବାଚନରେ ଆପ 4ଟି ସିଟରେ ପ୍ରାର୍ଥୀ ଦେବାକୁ ଥିବା ବେଳେ ଜେଜେପି 6ଟି ସିଟରେ ପ୍ରାର୍ଥୀ ଦେବ ବୋଲି ସୂଚନା ରହିଛି ।
ମିଳିଥିବା ସୂଚନା ମୁତାବକ ଏହା ପୂର୍ବରୁ ଜିନ୍ଦ ଉପନିର୍ବାଚନରେ ଜେଜେପିକୁ ଆପ ସମର୍ଥନ ଜଣାଇଥିଲା । ଏହା ପରେ ଉଭୟ ଦଳ ମଧ୍ୟରେ ମେଣ୍ଟ କରିବା ପାଇଁ ଇଚ୍ଛା ପ୍ରକାଶ କରିଥିଲେ । ଏନେଇ ଜେଜେପି ମୂଖ୍ୟ ଦୁଷ୍ୟନ୍ତ ଚୌଟାଲା କହିଛନ୍ତି କୌଣସି ଦଳ ଚିନ୍ତାଧାର ତାଙ୍କ ଦଳ ସହିତ ମେଳ ଖାଏ ତେବେ ଉକ୍ତ ଦଳ ସହିତ ମେଣ୍ଟ କରିବ ।
କହିରଖୁଛୁ ଜାଟଙ୍କ ପ୍ରମୁଖ ଦଳ ଇଣ୍ଡିଆନ ନ୍ୟାସନାଲ ଲୋକ ଦଳ ଭାଙ୍ଗି ଯିବା ବିଭିନ୍ନ ଛୋଟଛୋଟ ଦଳ ସୃଷ୍ଟି ହୋଇଥିଲା । ଓପି ଚୌଟାଲାଙ୍କ ନାତି ଦୁଷ୍ୟନ୍ତ ଓ ଦିଗବିଜୟ ନିଜର ଦଳଗଢିଥିଲେ । ଯାହା ଜନନାୟକ ଜନତା ପାର୍ଟି ନାମରେ ବର୍ତ୍ତମାନ ପରିଚିତ ।
