ହାଇଦ୍ରାବାଦ: ଲୋକସଭା ନିର୍ବାଚନର ଚତୁର୍ଥ ପର୍ଯ୍ୟାୟ ମତଦାନ ଆଜି । 9ଟି ରାଜ୍ୟରେ 72ଟି ଆସନ ପାଇଁ ଭୋଟ ଗ୍ରହଣ ହେଉଛି । ସେହିପରି ମୁମ୍ବାଇରେ ମଧ୍ୟ 6ଟି ଆସନ ପାଇଁ ଭୋଟିଂ ହେଉଛି । ସାଧାରଣ ଜନତାଙ୍କ ସହ ଅଭିନେତାମାନେ ମଧ୍ୟ ଭୋଟ ଦେଉଛନ୍ତି । ଶାହାରୁଖ ଖାନ, ସଲମାନ ଖାନ, ଅମିତାଭ ବଚ୍ଚନ ସହ ପ୍ରାୟ ସବୁ ବଲିଉଡ ଷ୍ଟାର ଭୋଟ ଦେବାକୁ ପହଞ୍ଚିଛନ୍ତି ।
ସକାଳୁ ରେଖା, ଉର୍ମିଳା ମାତୋଣ୍ଡକର, ପ୍ରିୟଙ୍କା ଚୋପ୍ରା ଭୋଟ ଦେଇଛନ୍ତି । ରେଖା ବାନ୍ଦ୍ରାର 283 ନମ୍ବର ବୁଥରେ ଭୋଟ ଦେଇଛନ୍ତି । ଭୋଟ ଦେବା ପରେ ରେଖା କାଳି ଲଗା ହାତ ଦେଖାଇ ଫଟୋ ଉଠେଇଛନ୍ତି । ତାଙ୍କ ସହିତ ରବି କିଶାନ ମଧ୍ୟ ଭୋଟ ଦେବାର ଦେଖାଯାଇଛି । ତେବେ ରବି ଗୋରଖପୁରରୁ ବିଜେପିର ଲୋକସଭା ଆସନରୁ ଲଢୁଛନ୍ତି । ସେହିପରି ଅଭିନେତା ତଥା ବିଜେପି ସାଂସଦ ପରେଶ ରାୱଲ ମଧ୍ୟ ଭୋଟ ଦେଇଛନ୍ତି ।
ସେହିପରି ପ୍ରିୟଙ୍କା ଚୋପ୍ରା ମୁମ୍ବାଇର ଭସ୍ରୋଭାରେ ଭୋଟ ଦେଇଛନ୍ତି । ସେହିପରି ଉର୍ମିଳା ମାତୋଣ୍ଡକର ମଧ୍ୟ ଭୋଟ ଦେଇଛନ୍ତି । ତେବେ ସେ କିଛି ଦିନତଳେ କଂଗ୍ରେସରେ ଯୋଗ ଦେଇଥିଲେ । ପରେ ଅଜୟ ଦେୱଗନ ପତ୍ନୀ କାଜଲ, ସୋନାଲି ବେନ୍ଦ୍ରେ, ମାଧୁରୀ ଦିକ୍ଷିତ, ଅମିର ଖାନଙ୍କ ସମେତ ଅନେକ କଳାକାର ମତଦାନ ଦେଇଛନ୍ତି ।
