ଭୁବନେଶ୍ବର: ବିପଦରେ ବନ୍ୟଜନ୍ତୁ । ନୟାଗଡରୁ ଜବତ ହେଲା ବାଘଛାଲ ଓ ହାତୀ ଦାନ୍ତ । ଦୁଇଟି ହାତୀ ଦାନ୍ତ ସମେତ ଗୋଟିଏ ବାଘ ଛାଲ ଜବତ କରିଛି ଏସଟିଏଫ । ନୟାଗଡ ମହାନଦୀ ବନ୍ଧ କଡଗଣିଆ ଚାମୁଣ୍ଡେଇ ମହାକାଳପାତ ମନ୍ଦିର କଡରେ ଡିଲ ଚାଲିଥିବାବେଳେ ଚଢାଉ କରିଥିଲେ ଏସଟିଏଫ ।
ନୟାଗଡରୁ ବାଘ ଛାଲ ଓ ହାତୀଦାନ୍ତ ଜବତ
ଏହି ଘଟଣାରେ ଏସଟିଏଫ ଦୁଇ ଜଣକୁ ଗିରଫ କରିଛି । କଟକର ରମେଶ ପ୍ରତିହାରି, ନୟାଗଡର ହିମ୍ବାଧର ତରେଇ ଏସଟିଏଫ ହାବୁଡରେ ଧରାପଡିଛନ୍ତି । ବିଗତ ଏକ ବର୍ଷ ମଧ୍ୟରେ 15ଟି ମାମଲାରେ ଏଯାବତ 29 ଜଣକୁ ଗିରଫ କରାଯାଇଛି । 13ଟି ବାଘ ଛାଲ 9ଟି ହାତଦାନ୍ତ 2ଟି ହରିଣ ଛାଲ , 3ଟି ବଜ୍ରକାପ୍ତା ସହ 5 କେଜି ବଜ୍ରକାପ୍ତା ଛାଲ ମଧ୍ୟ ଜବତ ହୋଇଛି ।ଅନ୍ୟପଟେ, ନୟାଗଡ ଅଞ୍ଚଳରୁ ବାରମ୍ବାର ବାଘ ଓ ଦାତୀ ଦନ୍ତ ତସ୍କରୀ ହେଉଥିଲେ ମଧ୍ୟ ଏଥିରେ ରୋକ ଲାଗି ପାରୁନି ।
ଭୁବନେଶ୍ବରରୁ ତାପସ ପରିଡା ଓ ନୟାଗଡରୁ ଜୟେନ୍ଦ୍ର ବେହେରା, ଇଟିିଭି ଭାରତ
