ଦୀପାବଳିରେ ଗଡିଲା ମୁଣ୍ଡ, ପରକୀୟା ପ୍ରୀତି ସନ୍ଦେହରେ ସାଙ୍ଗକୁ ହତ୍ୟା କଲା ସାଙ୍ଗ

ସ୍ତ୍ରୀ ସହ ସମ୍ପର୍କ ଥିବା ସନ୍ଦେହ କରି ସାଙ୍ଗକୁ ହତ୍ୟା କଲା ସାଙ୍ଗ । ଅଭିଯୋଗ ପରେ ଗିରଫ କଲା ପୋଲିସ । ଅଧିକ ପଢନ୍ତୁ

ମୁମ୍ବାଇ: ପରକୀୟା ପ୍ରୀତିର କରୁଣ ପରିଣତି । ସ୍ତ୍ରୀ ସହ ସମ୍ପର୍କ ଥିବା ସନ୍ଦେହ କରି ସାଙ୍ଗକୁ ହତ୍ୟା କଲା ସାଙ୍ଗ (Man kills friend on suspicion of affair with wife) । ଏଭଳି ହତ୍ୟାକାଣ୍ଡ ଘଟିଛି ମହାରାଷ୍ଟ୍ରର ଜଲନା ଜିଲ୍ଲାରେ । ଆଜି ସକାଳ ସମୟରେ ଏହି ହତ୍ୟାକାଣ୍ଡ ଘଟିଥିବା ପୋଲିସ ତରଫରୁ ସୂଚନା ମିଳିଛି। ମୃତକ ଜଣଙ୍କ ହେଉଛନ୍ତି ରାଜେନ୍ଦ୍ର ଭୋରେ । ଅଭିଯୁକ୍ତ ସାଙ୍ଗକୁ ଗିରଫ କରିଛି ପୋଲିସ ।

ମିଳିଥିବା ସୂଚନା ଅନୁଯାୟୀ, ଆଜି ସକାଳ ସମୟରେ ରାଜେନ୍ଦ୍ର ଭୋରେ ମର୍ଣ୍ଣି ଓ୍ବାକ କରିବା ପାଇଁ ଘର ବାହାରକୁ ଆସିଥିଲେ । ଏହି ସମୟରେ ତାଙ୍କ ବନ୍ଧୁ ପରାଜି ଦିଭାଟେ ଏକ ଛୁରୀରେ ତାଙ୍କୁ ଆକ୍ରମଣ କରିଥିଲେ। ଫଳରେ ଘଟଣାସ୍ଥଳରେ ତାଙ୍କ ମୃତ୍ୟୁ ହୋଇଥିଲା । ଏନେଇ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତକଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।

ଏନେଇ ପୋଲିସ ସୂଚନା ଦେଇ କହିଛି ଯେ, ହୋଲକା ନଗରରେ ଆଜି (ସୋମବାର) ସକାଳ ସମୟରେ ଏକ ହତ୍ୟାକାଣ୍ଡ ଘଟିଥିଲା, ପରକୀୟା ପ୍ରୀତି ସନ୍ଦେହରେ ଜଣେ ବ୍ୟକ୍ତି ଅନ୍ୟ ଜଣେ ବ୍ୟକ୍ତିଙ୍କୁ ହତ୍ୟା କରିଛନ୍ତି । ଏନେଇ ଏକ ମାମଲା ରୁଜୁ ପରେ ପୋଲିସ ଅଭିଯୁକ୍ତ ପରାଜି ଦିଭାଟେଙ୍କୁ ଗିରଫ କରାଯାଇଥିଲା । ରାଜେନ୍ଦ୍ର ଭୋରେଙ୍କୁ ହତ୍ୟା କରିବା ପରେ ଅଭିଯୁକ୍ତ ଜଣଙ୍କ ହତ୍ୟାକାଣ୍ଡରେ ବ୍ୟବହୃତ ଛୁରୀ ଓ ରକ୍ତ ଭିଜା ଡ୍ରେସକୁ ନେଇ ଏକ ସ୍ଥାନରେ ଲୁଚାଇ ଦେଇଥିଲା । ତଦନ୍ତ ପରେ ସେଗୁଡିକୁ ଜବତ କରାଯାଇଛି । ପରାଜିଙ୍କ ସ୍ତ୍ରୀଙ୍କ ସହ ରାଜେନ୍ଦ୍ରଙ୍କ କିଛି ସମ୍ପର୍କ ଥିବା ସନ୍ଦେହ କରି ଏପରି ହତ୍ୟାକାଣ୍ଡ ଘଟିଥିବା ପୋଲିସ ତରଫରୁ କୁହାଯାଇଛି । ''