ସମ୍ବଲପୁର: କୋଭିଡ ସମୟରେ ବହୁ ଉଠା ଦୋକାନୀ ଓ ବୁଲା ବିକାଳୀଙ୍କ ବ୍ୟବସାୟ ବୁଡ଼ିଗଲା। ଏଭଳି ସ୍ଥିତିରେ ଏମନଙ୍କ ଆର୍ଥିକ ସହାୟତା ପାଇଁ କେନ୍ଦ୍ର ସରକାର ବ୍ୟାଙ୍କ ଋଣ ଯୋଗାଇବାକୁ ଏକ ସ୍କିମ ପ୍ରସ୍ତୁତ କରିଛନ୍ତି। ତେବେ ସମ୍ବଲପୁରରେ ଏହି ଛୋଟ ବ୍ୟବସାୟୀ ମାନଙ୍କୁ ବ୍ୟାଙ୍କ ଗୁଡିକ ଋଣ ଦେଉନଥିବା ଅଭିଯୋଗ ହୋଇଛି।
ସମ୍ବଲପୁର ମହାନଗର ନିଗମ ଅଞ୍ଚଳରେ ରେ 3800 ଉଠା ଦୋକାନୀ ଥିବା ବେଳେ, ଏମାନଙ୍କ ମଧ୍ୟରୁ କେଵଳ 400 ଦୋକାନୀଙ୍କୁ ବ୍ୟାଙ୍କ ଋଣ ମିଳିଛି। ଅନ୍ୟ ବହୁ ବ୍ୟବସାୟୀ ବ୍ୟାଙ୍କରେ ଋଣ ପାଇଁ ଆବେଦନ କରିଥିଲେ ମଧ୍ୟ ବ୍ୟାଙ୍କ କର୍ତ୍ତୃପକ୍ଷ ବିଭିନ୍ନ ବାହାନା ଦେଖେଇ ଋଣ ଦେଉନଥିବା ଅଭିଯୋଗ ହୋଇଛି।
ଏହି ସମସ୍ୟା ନେଇ ଏହି ଛୋଟ ବ୍ୟବସାୟୀ ମାନେ ସମ୍ବଲପୁର ଉଠା ଦୋକାନୀ ସଙ୍ଘ ର ସଭାପତି ସତୀଶ ବିଶିଙ୍କ ନେତୃତ୍ୱରେ ସମ୍ବଲପୁର ମହାନଗର ନିଗମର କମିଶନରଙ୍କୁ ଭେଟି ଏକ ଦାବି ପତ୍ର ଦେଇଛନ୍ତି। ଏନେଇ ମହାନଗର ନିଗମର କମିଶନର ଅନିରୁଦ୍ଧ ପ୍ରଧାନ ବିଭିନ୍ନ ବ୍ୟାଙ୍କର ଅଧିକାରୀ ଅଧିକାରୀଙ୍କ ସହ ଆଲୋଚନା କରିବେ ବୋଲି କହିଛନ୍ତି।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
