ମହାନଗର ନିଗମ ନିର୍ବାଚନ ପାଇଁ ରାଜ୍ୟ ସରକାରଙ୍କ ଆନ୍ତରିକତା ନାହିଁ: ବିରୋଧୀ ଦଳର ନେତା

ମହାନଗର ନିଗମ ନିର୍ବାଚନ ପାଇଁ ରାଜ୍ୟ ସରକାରଙ୍କ ଆନ୍ତରିକତା ନାହିଁ । ସମ୍ବଲପୁର ସହରକୁ 2014 ବିଧାନସଭା ନିର୍ବାଚନ ପୂର୍ବରୁ ମହାନଗର ନିଗମର ମାନ୍ୟତା ଦେଲେ ସରକାର । ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ବିଧିବଦ୍ଧ ଘୋଷଣା ମଧ୍ୟ ହେଲା । ତେବେ ଆଜି ପର୍ଯ୍ୟନ୍ତ ଏହି ମହାନଗର ନିଗମର ନିର୍ବାଚନ ହୋଇପାରିନି । ଏହାର ଫଳ ଭୋଗୁଛନ୍ତି ସମ୍ବଲପୁର ମହାନଗର ନିଗମବାସୀ । ତେବେ ଏନେଇ ବର୍ତ୍ତମାନ ମତ ରଖିଛନ୍ତି ବିରୋଧୀ ଦଳର ନେତା ତଥା ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର । ଅଧିକ ପଢନ୍ତୁ

ସମ୍ବଲପୁର: ସମ୍ବଲପୁର ସହରକୁ 2014 ବିଧାନସଭା ନିର୍ବାଚନ ପୂର୍ବରୁ ମହାନଗର ନିଗମର ମାନ୍ୟତା ଦେଲେ ସରକାର । ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ବିଧିବଦ୍ଧ ଘୋଷଣା ମଧ୍ୟ ହେଲା । ତେବେ ଆଜି ପର୍ଯ୍ୟନ୍ତ ଏହି ମହାନଗର ନିଗମର ନିର୍ବାଚନ ହୋଇପାରିନି । ଏହାର ଫଳ ଭୋଗୁଛନ୍ତି ସମ୍ବଲପୁର ମହାନଗର ନିଗମବାସୀ। ତେବେ ଏନେଇ ବର୍ତ୍ତମାନ ମତ ରଖିଛନ୍ତି ବିରୋଧୀ ଦଳର ନେତା ତଥା ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର । କହିଛନ୍ତି ଯେ ସମ୍ବଲପୁର ମହାନଗର ନିଗମ ତଥା ରାଉରକେଲା ମହାନଗର ନିଗମର ପୌର ନିର୍ବାଚନ କରିବାକୁ ରାଜ୍ୟ ସରକାରଙ୍କ ଆନ୍ତରିକତା ନାହିଁ ।

ସମ୍ବଲପୁର ଲୋକ ମୋତେ ବିଧାୟକ ଭାବେ ନିର୍ବାଚିତ କରିଛନ୍ତି । ତେବେ ମୋତେ ୱାର୍ଡ ମେମ୍ବରର କାମ କରିବାକୁ ପଡୁଛି । ମୁଁ ବହୁତ ହଇରାଣ ହେଉଛି । ସମ୍ବଲପୁର ମହାନଗର ନିଗମ ନିର୍ବାଚନ ଅଟକି ରହିଥିବା ପ୍ରସଙ୍ଗରେ କିଛି ଏମିତି କିଛି କହିଛନ୍ତି ବିରୋଧୀ ଦଳର ନେତା ଜୟ ନାରାୟଣ ମିଶ୍ର । 2014 ବିଧାନସଭା ନିର୍ବାଚନ ପୂର୍ବରୁ ସମ୍ବଲପୁର ସହର ମହାନଗରର ମାନ୍ୟତା ପାଇ ସାରିଥିବା ବେଳେ ଆଜି ପର୍ଯ୍ୟନ୍ତ ଏହାର ପୌର ନିର୍ବାଚନ ହୋଇପାରିନି । ସମ୍ବଲପୁର ସହରରେ ବୁର୍ଲା, ହୀରାକୁଦ ସହର ସହ ମାନେଶ୍ୱର ଓ ଧନକାଉଡା ବ୍ଲକର 12 ଟି ପଞ୍ଚାୟତକୁ ନେଇ ମହାନଗର ଗଠନ ହୋଇଥିଲା । ଏହାକୁ 41 ଟି ୱାର୍ଡରେ ବିଭକ୍ତ କରାଯାଇଥିଲା । ତେବେ ବୁର୍ଲାର ଜଣେ ଅବସରପ୍ରାପ୍ତ କେନ୍ଦ୍ର ସରକାରଙ୍କ କର୍ମଚାରୀ ୱାର୍ଡ ପୁନର୍ଗଠନ ନେଇ ହାଇକୋର୍ଟରେ ଜନ ସ୍ୱାର୍ଥ ମାମଲା ଦାୟର କରିବା ପରେ ମହାନଗର ନିଗମ ନିର୍ବାଚନରେ ହାଇକୋର୍ଟ ରହିତାଦେଶ ଜାରି କରିଦେଲେ ।

ଏହା ପରେ ନ୍ୟାୟପାଳିକାର ବ୍ୟବସ୍ଥା ଭିତରେ ମହାନଗର ନିଗମର ନିର୍ବାଚନ ଏମିତି ଛନ୍ଦି ହୋଇ ରହିଛି ଯେ ତାହା ଆଜି ପର୍ଯ୍ୟନ୍ତ 9 ବର୍ଷ ହେଲା ସମାଧାନ ହୋଇପାରିନି । ତେବେ ରାଜ୍ୟ ସରକାର ଚାହିଁଲେ ହାଇକୋର୍ଟରୁ ରହିତାଦେଶ ହଟିଯିବ ଓ ପୌର ନିର୍ବାଚନ ହୋଇପାରିବ । କିନ୍ତୁ ରାଜ୍ୟ ସରକାରଙ୍କ ଆନ୍ତରିକତା ନଥିବା ଅଭିଯୋଗ କରିଛନ୍ତି ବିରୋଧୀ ଦଳର ନେତା ଜୟ ନାରାୟଣ ମିଶ୍ର । ଏହିଭଳି ପରିସ୍ଥିତିରେ ମହାନଗରରେ ନୂତନ ଭାବେ ସାମିଲ ହୋଇଥିବା 12 ଟି ପଞ୍ଚାୟତ ର ଲୋକେ ଯେଉଁମାନେ ବ୍ଲକ ଅଧୀନରେ ଥିବା ବେଳେ ଯେଉଁସବୁ ସୁବିଧା ସୁଯୋଗ ପାଉଥିଲେ ସେମାନେ ମହାନଗର ନିଗମରେ ଥାଇ ମଧ୍ୟ ମଧ୍ୟ ସେତିକି ସୁବିଧା ସୁଯୋଗ ପାଇ ପାରୁନଥିବା ଅଭିଯୋଗ ହୋଇ ଆସୁଛି । ମୁଖ୍ୟତଃ ସହରରେ ଲାଇଟ ଓ ଡ୍ରେନେଜ ଓ ପାନୀୟ ଜଳର ଅବ୍ୟବସ୍ଥା ଲାଗି ରହୁଥିବା ଅଭିଯୋଗ ହୋଇ ଆସୁଛି ।

ଏଭଳି ପରିସ୍ଥିତିରେ ରାଜ୍ୟ ସରକାର ଯଥା ଶୀଘ୍ର ଖୋଲା ମନରେ ଆଗକୁ ଆସି ହାଇକୋର୍ଟର ରହିତାଦେଶ ଭେକେଟ କରିବାକୁ ପଦକ୍ଷେପ ନେଇ ଯଥା ଶୀଘ୍ର ନିର୍ବାଚନ କରାନ୍ତୁ ବୋଲି ବିରୋଧୀ ଦଳର ନେତା କହିଛନ୍ତି ।

ଇଟିଭି ଭାରତ, ସମ୍ବଲପୁର