ସମ୍ବଲପୁର: ଜିଲ୍ଲାରେ ଦେଖାଦେଇଛି ଚାଷୀ ଅସନ୍ତୋଷ । ଚକଡା ପୋକ ଓ ଅଦିନିଆ ବର୍ଷାଜନିତ କ୍ଷୟକ୍ଷତି ପାଇଁ ଡିଓଙ୍କ ଅଫିସ ଘେରାଓ କରିଛନ୍ତି ସମ୍ବଲପୁର ଚାଷୀ । ବର୍ଷାରେ ହୋଇଥିବା କ୍ଷୟକ୍ଷତିର ସଠିକ ଆକଳନ ଓ ରିପୋର୍ଟ ପ୍ରଦାନ ଦାବିନେଇ ଜିଲ୍ଲା ମୁଖ୍ୟ କୃଷି ଅଧିକାରୀଙ୍କ କାର୍ଯ୍ୟଳୟ ସମ୍ମୁଖରେ ଆନ୍ଦୋଳନ କରିଛନ୍ତି ଅସନ୍ତୁଷ୍ଟ ଚାଷୀ।
ଚକଡ଼ା ପୋକ ଓ ଅଦିନିଆ ବର୍ଷା ଜିଲ୍ଲାରେ ବହୁ କ୍ଷୟକ୍ଷତି କରିଥିଲେ ମଧ୍ୟ, କୃଷି ବିଭାଗ ସଠିକ ଭାବରେ ପରିଚାଳନା କରୁନଥିବା ଚାଷୀ ଅଭିଯୋଗ କରିଛନ୍ତି । ଏହାର ପ୍ରତିବାଦରେ ଚାଷୀ ଏକ ଶୋଭାଯାତ୍ରାରେ ସମ୍ବଲପୁର ଜିଲ୍ଲା ମୁଖ୍ୟ କୃଷି ଅଧିକାରୀଙ୍କ କାର୍ଯ୍ୟଳୟରେ ପହଞ୍ଚିଥିଲେ । ସେଠାରେ ସେମାନେ ଜିଲ୍ଲା ମୁଖ୍ୟ କୃଷି ଅଧିକାରୀଙ୍କୁ ଭେଟି ଉପରୋକ୍ତ ଦାବି ନେଇ ଏକ ଲିଖିତ ଦାବିପତ୍ର ମଧ୍ୟ ପ୍ରଦାନ କରିଛନ୍ତି। ଆସନ୍ତା ସପ୍ତାହରେ ଜିଲ୍ଲା ପ୍ରଶାସନ ଯଦି ଦାବି ଉପରେ ଗୁରୁତ୍ବ ନଦେଲେ ଆନ୍ଦୋଳନ ତୀବ୍ରତର ହେବ ବୋଲି ଚାଷୀ କହିଛନ୍ତି।
ଚକଡା ଚିନ୍ତା,କୃଷି ଅଧିକାରୀଙ୍କ କାର୍ଯ୍ୟାଳୟ ଘେରିଲେ ଅସନ୍ତୋଷ ଚାଷୀ
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
