ସମ୍ବଲପୁର: ଡା. ରାସେଶ୍ୱରୀ ପାଣିଗ୍ରାହୀଙ୍କ ନାଁରେ ସାଂଘାତିକ ଅଭିଯୋଗ ଆଣିଲା ସମ୍ବଲପୁର ସଂଖ୍ୟାଲଘୁ ବିକାଶ ମଞ୍ଚ । ବିଧାୟିକା ଭୋଟ ହାସଲ ପାଇଁ ସଂଖ୍ୟାଲଘୁ ସଂପ୍ରଦାୟକୁ ବିଭାଜିତ କରିଥିବା ମଞ୍ଚ ଆକ୍ଷେପ କରିଛି । ଏଥିସହ ଯେଉଁ ପ୍ରତିଶୃତି ଦେଇ ସେ ଭୋଟ ନେଇଥିଲେ, ତାହା ପୂରଣ କରିନଥିବା ମଧ୍ୟ ଅଭିଯୋଗ ହୋଇଛି ।
ସୂଚନାଯୋଗ୍ୟ, ସମ୍ବଲପୁର ବିଧାନସଭା ଆସନ ଅଧିନରେ ଏକ ବଡ଼ ସଂଖ୍ୟାଲଘୁ ଭୋଟ ରହିଛି । ଗତ ନିର୍ବାଚନରେ ଏହି ସଂଖ୍ୟାଲଘୁ ଭୋଟ ହିଁ ନିର୍ଣ୍ଣାୟକ ଭୂମିକା ତୁଲାଇଥିଲା । ତେଣୁ ଏବେ ନିର୍ବାଚନ ପାଖେଇ ଆସିଲା ବେଳକୁ ଏହି ଭୋଟକୁ ନେଇ ଥମୁନି ରାଜନୀତି । ଗୋଟିଏ ପଟେ ସମ୍ବଲପୁର ସଂଖ୍ୟାଲଘୁ ବିକାଶ ମଞ୍ଚ ସାମ୍ବାଦିକ ସମ୍ମିଳନୀ ଡକାଇ ବିଧାୟିକାଙ୍କ ଉପରେ ବର୍ଷିଛି । ମୁଖ୍ୟତଃ ମୁସଲିମଙ୍କ ପାଇଁ କିଛି ଉନ୍ନତିମୂଳକ କାର୍ଯ୍ୟ ନକରି ବିଧାୟିକା କେବଳ ଭୋଟ ବ୍ୟାଙ୍କ ଭାବେ ବ୍ୟବହାର କରୁଥିବାର ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
