ରାଉରକେଲା: ଆତ୍ମହତ୍ୟାର ଲାଇଭ ଭିଡିଓ । ଏହି ଦୃଶ୍ୟ ଦେଖି ଛାତି ଥରିଯିବ । ଦୁର୍ବଳ ହୃଦୟ ବ୍ୟକ୍ତି ଏହି ଭିଡିଓରୁ ଦୂରେଇ ରୁହନ୍ତୁ । ଏଭଳି ଏକ ଲୋମଟାଙ୍କୁରା ଘଟଣା ସୁନ୍ଦରଗଡ଼ର ହେମଗିରି ଥାନା ଡୁଡୁକା ଗ୍ରାମରେ ଘଟିଛି ।
ଆତ୍ମହତ୍ୟାର ଲାଇଭ ଭିଜୁଆଲ
ଶୁକ୍ରବାର ଏହି ଗାଁର ଶିବ ଚନ୍ଦନ ନାମକ ଜଣେ ଯୁବକ ଆଇଓବି ବ୍ୟାଙ୍କ ଶାଖାର ଘର ଛାତ ଉପରୁ ଡେଇଁ ଆତ୍ମହତ୍ୟା କରିଛନ୍ତି । ଦୁଇ ମହଲା ଉପରେ ଶିବ ଠିଆ ହେବା ସମୟରେ ତଳେ ପୋଲିସ ଓ ଗ୍ରାମବାସୀ ଉପସ୍ଥିତ ଥିଲେ । ହେଲେ କେହି କିଛି କରିବା ପୂର୍ବରୁ ଶିବ ତଳକୁ ଡେଇଁ ପଡିଥିଲେ । ଶିବ ଜଣେ ମାନସିକ ବିକାରଗ୍ରସ୍ତ ବୋଲି ଜଣାପଡିଛି ।
ସୂଚନା ମୁତାବକ, ଶିବ ଛାତ ଉପରେ ଚଢ଼ି ଡେଇଁବାକୁ ଉଦ୍ୟମ କରୁଥିବା ଦେଖି ଲୋକେ ପୋଲିସକୁ ଖବର ଦେଇଥିଲେ । ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚି ଥିଲା ହେଲେ ଶିବ କୁ ଉଦ୍ଧାର କରିବା ପୂର୍ବରୁ ସେ ଛାତରୁ ଡେଇଁ ପଡିଥିଲେ ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
