ରାଉରକେଲା: ଦିନକୁ ଦିନ ଦୁଷ୍କର୍ମ ଏକ ସାମାଜିକ ବ୍ୟାଧି ରୂପେ ବ୍ୟାପିବାକୁ ଲାଗିଲାଣି । ଯାହାକୁ ନେଇ ନିଜ ଦେଶରେ ନାରୀ ମାନେ ନିଜକୁ ଅସୁରକ୍ଷିତ ମନେ କରୁଛନ୍ତି । ନିକଟରେ ହାଇଦ୍ରାବାଦରେ ଜଣେ ମହିଳା ପଶୁ ଡାକ୍ତରଙ୍କୁ ଦୁଷ୍କର୍ମ ପରେ ପୋଡି ମାରିଦେବା ଘଟଣା ଏବେ ସମଗ୍ର ଦେଶବାସୀଙ୍କୁ ସ୍ତବ୍ଧ କରିଦେଇଛି । ଯାହାକୁ ନେଇ ପୀଡିତାଙ୍କୁ ନ୍ୟାୟ ଦେବାପାଇଁ ଚାରିଆଡେ ବିକ୍ଷୋଭ ପ୍ରଦର୍ଶନ କରାଯାଉଛି ।
ଏହି ପରିପ୍ରେକ୍ଷୀରେ ରାଉରକେଲାର ବିଶ୍ରା ଛକରେ ଶକ୍ତି ବାହିନୀ ପକ୍ଷରୁ ମହିଳା ଡାକ୍ତରଙ୍କ ପ୍ରତି ହୋଇଥିବା ଅମାନୁଷିକ ଅତ୍ୟାଚାର ବିରୋଧରେ ବିକ୍ଷୋଭ ପ୍ରଦର୍ଶନ କରାଯାଇଛି । ଦୁଷ୍କର୍ମକାରୀଙ୍କୁ ଫାଶୀ ଦେବା ପାଇଁ ଶାନ୍ତିପୂର୍ଣ୍ଣ ପ୍ରତିବାଦ କରିବା ସହ ମୃତାଙ୍କ ଆତ୍ମାର ସଦଗତି ପାଇଁ କ୍ୟାଣ୍ଡେଲ ଶୋଭାଯାତ୍ରା କରାଯାଇଥିଲା ।
ତେବେ ଘଟଣାରେ ମହିଳା ମାନେ ଅଭିଯୋଗ ଆଣି କହିଛନ୍ତି ଯେ, ସରକାର ଗାଡିର କାଗଜ ତଥା ହେଲମେଟ ପାଇଁ ଏତେ ବଡ଼ ଦଣ୍ଡ ନିର୍ଦ୍ଧାରଣ କରୁଛନ୍ତି ହେଲେ ମହିଳା ମାନଙ୍କୁ ନେଇ ଏତେ ବେପରୁଆ ମନୋଭାବ କ'ଣ ପାଇଁ ବୋଲି ପ୍ରଶ୍ନ କରିଛନ୍ତି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
