ରାଉରକେଲା: ଧରାପୃଷ୍ଠରେ ଚାଲିଛି ମା' ଜଗତ ଜନନୀଙ୍କ ପୂଜାର୍ଚ୍ଚନା । ପୀଠରୁ ମଣ୍ଡପ ସବୁଠି ଭକ୍ତଙ୍କ ସମାଗମ । ମଣ୍ଡପରେ ମହାମାୟାଙ୍କ ମହାନବମୀ ଓ ପୀଠରେ ଦଶମୀ ପୂଜା କରୁଛନ୍ତି ଭକ୍ତବତ୍ସଳ । ଆଜିର ଏହି ଦିନରେ ରାଉରକେଲାର ଦୁର୍ଗାପୁର ପାହାଡ ଉପର ଗୁମ୍ପାରେ ମା' ବୈଷ୍ଣୋ ଦେବୀଙ୍କ ଦର୍ଶନ କରୁଛନ୍ତି ଶତାଧିକ ଶ୍ରଦ୍ଧାଳୁ ।
ଦୁର୍ଗାପୁର ପାହାଡ ଉପର ଗୁମ୍ପାରେ ମା' ବୈଷ୍ଣୋ ଦେବୀଙ୍କ ଦର୍ଶନ କରୁଛନ୍ତି ଶତାଧିକ ଶ୍ରଦ୍ଧାଳୁ
ଆଜି ନବରାତ୍ରୀର ଶେଷ ଦିନ । ସବୁ ଶକ୍ତିପୀଠରେ ଚାଲିଛି ମହାନବମୀ ପୂଜା । ଏହି ଦିନରେ ମା'ଙ୍କ ଦର୍ଶନ ଲାଗି ବୈଷ୍ଣୋ ମନ୍ଦିରକୁ ଛୁଟି ଆସିଛନ୍ତି ଶ୍ରଦ୍ଧାଳୁ । ଦୂର ଦୁରାନ୍ତରୁ ଶତାଧିକ ଶ୍ରଦ୍ଧାଳୁ ଆସି ମା'ଙ୍କ ଦର୍ଶନ କରିବା ସହ ଆର୍ଶୀବାଦ ନେଇଛନ୍ତି । ଆଉ ବିଶ୍ବାସ ରହିଛି, ନବରାତ୍ରୀରେ ମା'ଙ୍କ ଦୁର୍ଲଭ ରୂପକୁ ଦର୍ଶନ କଲେ ମନସ୍କାମନା ପୁରା ହୋଇଥାଏ ।
ବଡି ଭୋରରୁ ରାତି ଯାଏଁ ଠିକ୍ ଏମିତି ଶ୍ରଦ୍ଧାଳୁଙ୍କ ଭିଡ ପରିଲକ୍ଷିତ ହୋଇଥାଏ । ତେଣୁ ଭକ୍ତଙ୍କ ଭିଡକୁ ଦେଖି ମନ୍ଦିର କମିଟି ପକ୍ଷରୁ ବ୍ୟାପକ ବ୍ୟବସ୍ଥା ମଧ୍ୟ କରିଛନ୍ତି।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
