ରାଉରକେଲା: ରାଉରକେଲା ଅପସରା ହୋଟେଲ ରୁମ ନମ୍ବର 12 ରୁ ଜଣେ ବ୍ୟବସୟୀଙ୍କ ମୃତଦେହ ଉଦ୍ଧାର ହୋଇଛି । ଏହି ରୁମରୁ ଫ୍ୟାନରେ ଝୁଲନ୍ତା ଅବସ୍ଥାରେ ଉକ୍ତ ବ୍ୟକ୍ତିଙ୍କ ମୃତଦେହ ଠାବ ହୋଇଛି । ଏହା ଏକ ଆତ୍ମହତ୍ୟା ଘଟଣା ବୋଲି ପୋଲିସ ସନ୍ଦେହ କରୁଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ମୃତ ବ୍ୟବସୟୀଙ୍କ ନାମ ଧୀରଜ ବର୍ମା ବୋଲି ଜଣାପଡିଥିବା ବେଳେ ତାଙ୍କ ଘର ରାଜଗାଙ୍ଗପୁର ହୋଇଥିବା ପୋଲିସ ସୂଚନା ଦେଇଛି । ସେପଟେ ହୋଟେଲ କର୍ମଚାରୀଙ୍କ କହିବା କଥା ହେଲା ରୁମର କବାଟ ଭିତର ପଟୁ ବନ୍ଦ ଥିଲା । ଉକ୍ତ ବ୍ୟବସାୟୀ କବାଟ ନଖୋଲିବାରୁ ହୋଟଲେ କର୍ମଚାରୀମାନେ ସନ୍ଦେହ କରି ଝରକା ପଟୁ ଦେଖି ପୋଲିସକୁ ଖବର ଦେଇଥିଲେ ।
ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସାଇଣ୍ଟିଫିକ ଟିମ ଏବଂ ମାଜିଷ୍ଟ୍ରେଟଙ୍କ ଉପସ୍ଥିତିରେ ଏହି ତଦନ୍ତ ଆରମ୍ଭ ହୋଇଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
