ପୁରୀ: ବଡଦାଣ୍ଡରେ ମହିଳାଙ୍କ ବେକରୁ ଗହଣା ଲୁଟ୍ ଅଭିଯୋଗରେ 2 ଜଣ ମହିଳା ଲୁଟେରା ଗିରଫ ହୋଇଛନ୍ତି । ଗିରଫ ଦୁଇ ମହିଳା ହେଲେ ପଶ୍ଚିମବଙ୍ଗ ମେଦିନିପୁର ଗିରିମୈଦାନର ଲୀଲା ରାଓ ଓ ଭଦ୍ରକର ଲକ୍ଷ୍ମୀ ସ୍ବାମୀ ।
ପୋଲିସର ସୂଚନା ଅନୁଯାୟୀ, ବ୍ରହ୍ମଗିରିର ବିଷ୍ଣୁ ପ୍ରିୟା ପ୍ରଧାନ ମହାପ୍ରଭୁଙ୍କ ଦର୍ଶନ ସାରି ଫେରୁଥିଲେ। ମାର୍କେଟ ଛକରୁ ସେ ଗାଡି ଧରି ଘରକୁ ଯିବାକୁ ରାସ୍ତାରେ ଯାଉଥିଲେ। ତେବେ ଭିଡର ସୁଯୋଗ ନେଇ ଦୁଇ ଜଣ ମହିଳା ଲୁଟେରା ତାଙ୍କ ବେକରୁ ଏକ ସୁନା ଲକେଟ ଛିଡାଇ ନେଇ ପଳାଇଥିଲେ।
ଏ ନେଇ ଅଭିଯୋଗ ପରେ 2 ମହିଳା ଲୁଟେରାଙ୍କୁ ପୋଲିସ ଗିରଫ କରିଛି। ଗିରଫ ପରେ ସେମାନଙ୍କ ଠାରୁ ସୁନାଚେନ୍ ଓ ମୁଦି ଜବତ କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
