ପୁରୀ: ପୁରୀ STF ଆଜି ସହରର ବିଭିନ୍ନ ସ୍ଥାନରେ ଚଢାଉ କରି 14 ଲକ୍ଷ ଟଙ୍କାର ବ୍ରାଉନ ସୁଗାର ଜବତ କରିଛି । ଘଟଣାରେ 2 ଜଣ ବ୍ରାଉନ ସୁଗାର ବେପାରୀଙ୍କୁ ମଧ୍ୟ ଗିରଫ କରି କୋର୍ଟ ଚାଲାଣ କରିଛି ।
ଗିରଫ ଦୁଇ ବ୍ରାଉନ ସୁଗାର ବେପାରୀ ହେଲେ ଖୋର୍ଦ୍ଧା ଟାଉନ ଥାନା ଗୁରୁଜଙ୍ଗର ସୁଶୀଲ କୁମାର ସାହୁ ଓ ସାଗର ସୁନ୍ଦର ପ୍ରଧାନ । ପୋଲିସର ସୂଚନା ଅନୁଯାୟୀ ପୁରୀ ସହରରେ ବ୍ରାଉନ ସୁଗାର ବ୍ୟବସାୟ ଉପରେ ପୁରୀ ପୋଲିସର ଏସଟିଏଫ ନଜର ରଖିଥିଲା । ତେବେ ପୁରୀ ନରେନ୍ଦ୍ର କୋଣ ଅଞ୍ଚଳରେ ଦୁଇ ଜଣ ଯୁବକ ଖୋର୍ଦ୍ଧାରୁ ବ୍ରାଉନ ସୁଗାର ଆଣି ପୁରୀରେ ବିକ୍ରି କରୁଥିବା ଖବର ଆସିଥିଲା।
ପରେ ପୁରୀ ଟାଉନ ଥାନା ଅଧିକାରୀ ଓ ବାସେଳି ସାହି ଥାନା ଅଧିକାରୀ ମିଳିତ ଭାବେ ଚଢାଉ କରି 140 ଗ୍ରାମ ବ୍ରାଉନ ସୁଗାର ଜବତ କରିବା ସହ ଏହା ବିକ୍ରି କରୁଥିବା ଦୁଇ ଯୁବକଙ୍କୁ ଗିରଫ କରିଥିଲେ । ଗିରଫ ଅଭିଯୁକ୍ତଙ୍କ ଠାରୁ ନଗଦ 22 ଶହ ଟଙ୍କା , ଦୁଇଟି ସ୍କୁଟି, ଦୁଇଟି ମୋବାବଲ ଫୋନ ଜବତ କରିଛି ଏସଟିଏଫ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
