ପୁନର୍ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି

ପୁନର୍ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି । ୧୦ ଜଣିଆ ସଦସ୍ୟଙ୍କୁ ନେଇ କମିଟି ଗଠନ କଲେ ରାଜ୍ୟ ସରକାର । ଅଧିକ ପଢନ୍ତୁ...

ପୁରୀ: ପୁନର୍ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି । ୧୦ ଜଣିଆ ସଦସ୍ୟଙ୍କୁ ନେଇ କମିଟି ଗଠନ କଲେ ରାଜ୍ୟ ସରକାର । ରାଜ୍ୟ ଆଇନ ବିଭାଗ ପକ୍ଷରୁ ସଦସ୍ୟଙ୍କ ତାଲିକା ପ୍ରକାଶ କରାଯାଇଛି । ନବ ଗଠିତ ଶ୍ରୀମନ୍ଦିର ପରିଚାଳନା କମିଟିରେରେ କିଛି ନୂଆ ମୁହଁ ସ୍ଥାନ ପାଇଛନ୍ତି । ହାଇକୋର୍ଟର ବରିଷ୍ଠ ଓକିଲ ଅଶୋକ କୁମାର ମହାପାତ୍ର କମିଟିରେ ସ୍ଥାନ ପାଇଥିବା ବେଳେ ସେ ମୁକ୍ତି ମଣ୍ଡପ ପକ୍ଷରୁ ପ୍ରତିନିଧି ଭାବେ ରହିବେ ।

ପୁନର୍ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି

ସେହିପରି ମାଧବ ଚନ୍ଦ୍ର ପୂଜାପଣ୍ଡା ପୂଜାପଣ୍ଡା ନିଯୋଗରୁ , ଶ୍ରୀଜଗନ୍ନାଥ କର ପୁଷ୍ପାଳକ ନିଯୋଗରୁ , ମାଧବ ଚନ୍ଦ୍ର ମହାପାତ୍ର ପ୍ରତିହାରୀ ନିଯୋଗ ପକ୍ଷରୁ, ଅନନ୍ତ ତିଆଡ଼ି ସୁଆର ମହାସୁଆର ନିଯୋଗରୁ , ଦୁର୍ଗା ପ୍ରସାଦ ଦାସ ମହାପାତ୍ର ଦଇତାପତି ନିଯୋଗ ପକ୍ଷରୁ , ରାଧା ବଲ୍ଲବ ମଠ ମହନ୍ତ ଶ୍ରୀ ରାମକୃଷ୍ଣ ଦାସ ବିଭିନ୍ନ ମଠ ପକ୍ଷରୁ, chatard accountant ଶରତ ଚନ୍ଦ୍ର ଭଦ୍ରା, ପଦ୍ମ ଭୂଷଣ ଡ଼କ୍ଟର ରମାକାନ୍ତ ପଣ୍ଡା, ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ନବ ଗଠିତ ଶ୍ରୀମନ୍ଦିର ପରିଚାଳନା କମିଟିରେ ସ୍ଥାନ ପାଇଛନ୍ତି । ମୋଟ 10 ଜଣ ସଦସ୍ୟଙ୍କୁ ନେଇ ଶ୍ରୀମନ୍ଦିର ପରିଚାଳନା କମିଟି ଗଠିତ ହୋଇଛି ।

ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ