ପୁରୀ: ରାତି ପାହିଲେ ମହାଶିବରାତ୍ରୀ ତଥା ଜାଗର । ବ୍ରତ ସହ ଶିବଙ୍କ ଉପାସନା ପାଇଁ ପୁରପଲ୍ଲୀ ଉତ୍ସଵ ମୁଖର । ତେବେ ଜାଗର ଅବସରରେ ପୁରୀରେ ବାଲୁକା କଳା ମାଧ୍ୟମରେ ଏହି ଦିବସର ଶୁଭେଚ୍ଛା ଜଣାଇଛନ୍ତି ସୁଦର୍ଶନ ସ୍ୟାଣ୍ଡ ଆର୍ଟ କଲେଜର ଛାତ୍ରଛାତ୍ରୀ । ଦେବଦେବ ମହାଦେବଙ୍କ 11 ଟି ନାମ କୁ ନେଇ 11ଟି ଶିବଙ୍କ ପ୍ରତିମୂର୍ତ୍ତି ବାଲିରେ ନିର୍ମାଣ କରିଛନ୍ତି ଛାତ୍ରଛାତ୍ରୀ।
ବାଲୁକାକଳାରେ ହରହର ମହାଦେବ
ପୁରୀ ସ୍ଵର୍ଣ୍ଣିମ ବେଳାଭୂମିରେ 5 ଘଣ୍ଟା ଧରି 15 ଜଣ ବାଲୁକା ଶିଳ୍ପୀ ଏହାକୁ ତିଆରି କରିଛନ୍ତି । ଦେବ ଦେବ ମହାଦେବ ସମସ୍ତଙ୍କୁ ଆଶୀର୍ବାଦ ଦେବା ସହ ଜଗତର ମଙ୍ଗଳ କାମନା କରନ୍ତୁ ବୋଲି ସୁଦର୍ଶନ ସ୍ୟାଣ୍ଡ ଆର୍ଟ କଲେଜର ଛାତ୍ରଛାତ୍ରୀ ମାନେ ଶୁଭେଚ୍ଛା ଜଣାଇଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
