ପୁରୀ: ମଦ ପିଇ ଗାଡି ଚଳାଉଛନ୍ତି କି ? ହୋଇଯାଆନ୍ତୁ ସାବଧାନ । ନହେଲେ ଦେବାକୁ ପଡ଼ିବ ୧୦ ହଜାର ଟଙ୍କା ପର୍ଯ୍ୟନ୍ତ ଜୋରିମାନା, ଯିବାକୁ ପଡ଼ିପାରେ ଜେଲ୍ । ପର୍ଯ୍ୟଟକଙ୍କ ସୁରକ୍ଷାକୁ ନେଇ ବର୍ତ୍ତମାନ ଆକ୍ସନ୍ ମୋଡ୍ରେ ରହିଛି ପୁରୀ ପୋଲିସ । ନୂଆବର୍ଷ ପୂର୍ବରୁ ପୁରୀ ପୋଲିସ ଚଲାଇଛି ଡ୍ରିଙ୍କ୍ ଆଣ୍ଡ୍ ଡ୍ରାଇଭ୍ (drink and drive) ଅଭିଯାନ । ବ୍ରିଦ୍ ଆନାଲାଇଜର ସାହାଯ୍ୟରେ ଡ୍ରାଇଭର ମାନଙ୍କର ଯାଞ୍ଚ କଡ଼ାକଡ଼ି ଯାଞ୍ଚ କରାଯାଉଛି ।
Strict vehicle Act in Puri: ମଦୁଆ ଡ୍ରାଇଭରଙ୍କୁ ନାହିଁ ନିସ୍ତାର, ଆରମ୍ଭ ହେଲା ଡ୍ରିଙ୍କ୍ ଆଣ୍ଡ୍ ଡ୍ରାଇଭ୍ ଅଭିଯାନ
ବଢୁଥିବା ଦୁର୍ଘଟଣା ଓ ପର୍ଯ୍ୟଟକମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ସନ୍ଧ୍ୟାରୁ ଆରମ୍ଭ ହେଉଛି ଚେକିଂ । ବିଭିନ୍ନ ଥାନା ଅଞ୍ଚଳରେ ଥାନା ଅଧିକାରୀଙ୍କ ନେତୃତ୍ୱରେ ଜାରି ରହିବ ଏହି ଅଭିଯାନ । ପୁରୀ ଅତିରିକ୍ତ ଏସ୍ପି ମିହିର ପଣ୍ଡାଙ୍କ ନେତୃତ୍ୱରେ ସୁବାଷ ବୋଷ ଛକ VIP ରୋଡ୍ରେ ପୋଲିସ ଚଳାଇଥିଲା ଅଭିଯାନ । ୨ ଜଣଙ୍କୁ ମଦ ପିଇ ଗାଡି ଚଳାଉଥିବା ବେଳେ ଧରିଛି ପୋଲିସ । ସେମାନଙ୍କ ନାମରେ ମାମଲା ରୁଜୁ କରାଯାଇଛି ।
