ପୁରୀ: ରଥଯାତ୍ରା ଅୟୋଜନ ବନ୍ଦ କରିବାକୁ ନେଇ ସୁପ୍ରିମକୋର୍ଟଙ୍କ ନିଷ୍ପତି ପରେ ଭକ୍ତ ଓ ସେବାୟତ ମହଲରେ ତୀବ୍ର ପ୍ରତିକ୍ରିୟା । ପୁରୀରେ ବିନା ଭକ୍ତରେ ରଥ ଯାତ୍ରା ଆୟୋଜନ ନେଇ ଦାବି ଜୋର ଧରିଛି । ଇତି ମଧ୍ୟରେ ପୁରୀ ଲଙ୍ଗୁଳି ମଠର ବୈଷ୍ଣବ ବାବାଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ଭିଡିଓରେ ସେ ସୁପ୍ରିମକୋର୍ଟଙ୍କୁ ଅନର୍ଗଳ ଇଂରାଜୀ ଭାଷାରେ କଡା ସମାଲୋଚନା କରୁଛନ୍ତି ।
ତେବେ ଜଣେ ସାଧୁ ଏପରିକି ତାଙ୍କ ରୂପ ଭେକ ଦେଖିଲେ ଅତି ସାଧାରଣ ବ୍ୟକ୍ତି ଭଳି ଲାଗୁଥିବା ବେଳେ ଏତେ ସ୍ପଷ୍ଟ ଭାବରେ ନିଜର ମତ ସୁପ୍ରିମକୋର୍ଟଙ୍କ ଉଦେଶ୍ୟରେ ଇଂରାଜୀ କହୁଥିବା ଏବେ ଚର୍ଚ୍ଚାର ବିଷୟ ହୋଇଛି । ପୁରୀରେ କୋରୋନା ଭୟଙ୍କର ଭାବେ ବ୍ୟାପି ନ ଥିବା ବେଳେ ସୁପ୍ରିମକୋର୍ଟ ଅନ୍ଧ ଭାବେ ନିଷ୍ପତ୍ତି ନେଇ ରଥଯାତ୍ରା ବନ୍ଦ କରିବା ଠିକ ନୁହେଁ ବୋଲି ସେ କହିଛନ୍ତି । ବିନା ଭକ୍ତରେ ରଥଯାତ୍ରା ଆୟୋଜନ ହେବା ଉଚିତ ବୋଲି ସେ ଉକ୍ତ ଭିଡିଓରେ ବାର୍ତ୍ତା ଦେଇଛନ୍ତି । ମହାପ୍ରଭୁଙ୍କ ପରମ୍ପରା ସଂସ୍କୃତିକୁ ସୁପ୍ରିମକୋର୍ଟ ନ ବୁଝି ରଥଯାତ୍ରା ବନ୍ଦ କରିବା ଠିକ ନୁହେଁ ବୋଲି ସେ କହିଛନ୍ତି । ତୁରନ୍ତ ସୁପ୍ରିମକୋର୍ଟ ଏହି ନିଷ୍ପତ୍ତି ପୁନର୍ବିଚାର କରିବାକୁ ସେ କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
