ପୁରୀ: ଆସନ୍ତା ନଭେମ୍ବର 3 ତାରିଖରେ ହେବ ଭଦ୍ରକ ଜିଲ୍ଲା ଧାମନଗର ବିଧାନସଭା ଆସନ ପାଇଁ ଉପ-ନିର୍ବାଚନ । ନିର୍ବାଚନ ତାରିଖ ଘୋଷଣା ହୋଇସାରିଥିବା ବେଳେ, ରାଜନୈତିକ ଦଳ ଗୁଡିକ ମଧ୍ୟ ପ୍ରସ୍ତୁତି ଆରମ୍ଭ କରିଛନ୍ତି । ତେବେ ଉପ-ନିର୍ବାଚନକୁ ନେଇ ଆଜି ପୁରୀ ଗସ୍ତରେ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବଡ ବୟାନ ଦେଇଛନ୍ତି ।
ଧର୍ମେନ୍ଦ୍ର କହିଛନ୍ତି, "ଧାମନଗର ଉପ-ନିର୍ବାଚନରେ ବିଜେପି ଜିତିବ । କିଏ ଦଳୀୟ ପ୍ରାର୍ଥୀ ହେବେ ଦଳର ନେତୃତ୍ୱ ନିଷ୍ପତ୍ତି ନେବେ ।" ଧର୍ମେନ୍ଦ୍ର ଆହୁରି କହିଛନ୍ତି ବିଷ୍ଣୁ ସେଠୀ ଜଣେ ଲୋକ ପ୍ରିୟ ବିଧାୟକ ଥିଲେ । ସ୍ଥାନୀୟ ଅଞ୍ଚଳରେ ବେଶ ପରିଚିତ ଥିଲେ। ତାଙ୍କର ଦକ୍ଷତା ସଂଗଠନ ମଧ୍ୟ ରହିଥିଲା । ଏଣୁ ତାଙ୍କର ବିଚାରକୁ ଲୋକ ଗ୍ରହଣ କରି ପୁଣି ବିଜେପିକୁ ସମର୍ଥନ ଦେବେ । କାରଣ ଏହି ଉପ-ନିର୍ବାଚନରେ କୌଣସି ସରକାର ଜିତିବ ନି କି ଭାଙ୍ଗିବ ନାହିଁ । ଧାମନଗରବାସୀ ବିଷ୍ଣୁ ବାବୁଙ୍କ ବିଚାରକୁ ସମର୍ଥନ କରି ଭୋଟ ଦେବେ ବୋଲି ଧର୍ମେନ୍ଦ୍ର କହିଛନ୍ତି ।
ତେବେ କିଏ ହେବେ ବିଜେପିର ପ୍ରାର୍ଥୀ ବିଷ୍ଣୁ ସେଠୀଙ୍କ ପରିବାରରୁ କାହାକୁ ଦଳ ଟିକେଟ ଦେବ ନା ବାହାରୁ କାହାକୁ ଦେବ । ଧର୍ମେନ୍ଦ୍ର କହିଛନ୍ତି ପ୍ରାର୍ଥୀ କିଏ ହେବେ ତାହା ଦଳ ନେତୃତ୍ବ ନିଷ୍ପତ୍ତି ନେବ ।
ଇଟିଭି ଭାରତ, ପୁରୀ
