ପୁରୀ: ଧର୍ମ ମାସରେ ଅଧର୍ମ । ଶ୍ରୀମନ୍ଦିରରେ ହବିଷ୍ୟାଳିଙ୍କୁ ସେବାୟତକୁ ମାଡ଼ ଓ ଦୁର୍ବ୍ୟବହାର ହୋଇଥିବା ଅଭିଯୋଗ ହୋଇଛି । ଆଜି ଜଣେ ସେବାୟତ ଏଭଳି କାଣ୍ଡ ଭିଆଇଥିବା ଅଭିଯୋଗ କରିଛନ୍ତି ହବିଷ୍ୟାଳି । ବ୍ରହ୍ମଗିରି ସାହସ ପୁର ଅଞ୍ଚଳର ୬୨ ବର୍ଷୀୟା କୁମାରୀ ନାୟକ ଏଭଳି ଏକ ଅଭିଯୋଗ ଆଣିଛନ୍ତି । ରାଜ୍ୟ ସରକାରଙ୍କ ପକ୍ଷରୁ ବୃନ୍ଦାବତୀ ହବିଷ୍ୟାଳି ନିବାସରେ ହବିଷ ବ୍ରତ କରୁଥିବା ବ୍ରହ୍ମଗିରି ସାହସ ପୁର ଅଞ୍ଚଳର ୬୨ ବର୍ଷୀୟା କୁମାରୀ ନାୟକକୁ ଜଣେ ସେବାୟତ ଶ୍ରୀମନ୍ଦିର ଭିତରେ ମାଡ ମାରିଥିବା ନେଇ ହବିଷ୍ୟାଳି ଜଣକ ଅଭିଯୋଗ ଆଣିଛନ୍ତି ।
ଏହା ମଧ୍ୟ ପଢନ୍ତୁ: ଧର୍ମେନ୍ଦ୍ର ମୃତ୍ୟୁ ରହସ୍ୟରୁ ଉଠୁନି ପରଦା, ନଜର ହଟାଇବାକୁ ଅର୍ଚ୍ଚନା କେଳେଙ୍କାରୀ !
ହବିଷ୍ୟାଳି କୁମାରୀ ନାୟକଙ୍କ ଅଭିଯୋଗ ଅନୁସାରେ, "ମୁଁ ମହାପ୍ରଭୁଙ୍କ ଦର୍ଶନ ପାଇଁ ଶ୍ରୀମନ୍ଦିର ଯାଇଥିଲି । କିନ୍ତୁ ପହଡ ପଡିଥିବା କାରଣରୁ ବାହାରେ ବସିଥିଲି । ତାପରେ ମୁଁ ଯେତେବେଳ ଦର୍ଶନ କରିବାକୁ ଗଲି ସେଠାରେ ଜଣେ ସେବାୟତ ମୋତେ ମାଗଣା ଖାଇବାକୁ ଆସିଛ କହିକି ଗାଲକୁ ଏକ ଚାପୁଡା ମାରିଲା । ତାପରେ ମୁଁ ପଡିଗଲି । ତାପରେ ସେ ବେକ ଉପରେ ଗୋଡ ପକେଇଦେଇଥିଲା । ମୁଁ ଛାଡିବା ପାଇଁ ନେହୁରା କରିବା ସତ୍ତ୍ବେ ମଧ୍ୟ ସେ ନଛାଡି ମାଗଣା ଖାଇବା ଲୋକ ଏତେ ଶୀଘ୍ର ମରିବେନି ବୋଲି କହିଥିଲା ।" ଫଳରେ ତାଙ୍କର ବାମ କାନ ଓ ବେକରେ ଆଘାତ ଲାଗିଛି। ମୁଁ ଆସିକି କ୍ୟାମ୍ପରେ ଅଭିଯୋଗ କରିଛି । ମୋର ହାତ ଗୋଡ ସବୁ ଫୁଲି ଯାଇଛି । ମୋତେ ସେମାନେ ଓୌଷଧ ଦେଇଛନ୍ତି ।
ଅନ୍ୟପଟେ ହବିଷ୍ୟାଳିଙ୍କ ପାଇଁ ନିୟୋଜିତ ହୋଇଥିବା ସ୍ବେଚ୍ଛାସେବୀଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ଅଭିଯୋଗ କରାଯାଇନାହିଁ। ତେବେ ଶ୍ରୀମନ୍ଦିର ଭଳି ସ୍ଥାନରେ ଧର୍ମ ମାସରେ ଏଭଳି ଅଧର୍ମ କାର୍ଯ୍ୟକୁ ନେଇ ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି।
ଇଟିଭି ଭାରତ, ପୁରୀ
