ପୁରୀ: ଶ୍ରୀମନ୍ଦିରରେ ଆଜି(ଶୁକ୍ରବାର) ପାର୍ଶ୍ଵ ପରିବର୍ତ୍ତନ ଏକାଦଶୀ ନୀତି ଓ ବାମନ ଜନ୍ମ ନୀତି । ଏହି ଅବସରରେ ସକାଳ ଧୂପ ଓ ଭୋଗମଣ୍ଡପ ପରେ ଶ୍ରୀବିଗ୍ରହଙ୍କ ମହାସ୍ନାନ ହୋଇଥାଏ । ଠାକୁରଙ୍କ ନୂଆଲୁଗା ଲାଗି ହୋଇ ଶ୍ରୀଅଙ୍ଗରେ ଚନ୍ଦନ ଲାଗି କରାଯାଏ ।
ଏହି ଅବସରରେ ସନ୍ଧ୍ୟା ଆଳତି ବଢ଼ି ଏକାଦଶୀ ବେଢ଼ାକୁ ମଦନମୋହନ ବିଜେ କରିଥାନ୍ତି । ମଦନମୋହନ ବଡ଼ଦେଉଳକୁ ଭେଡାଏ ବୁଲି ବଟମୂଳେ ବିଜେ କରିଥାନ୍ତି । ଜୟବିଜୟ ଦ୍ଵାର ଠାରେ ଏକାଦଶୀ ଭୋଗ ବନ୍ଦାପନା ହୋଇ ଠାକୁରେ ଦକ୍ଷିଣୀ ଘରକୁ ବିଜେ କରିବେ । ଆଗାମୀ କାର୍ତ୍ତିକ ମାସ ଶୁକ୍ଳ ଏକାଦଶୀରେ ହରି ଉତଥାପନ ଏକାଦଶୀ ପାଳନ ହେବ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
