ପୁରୀ: କଟକଣା ସତ୍ତ୍ବେ ପୁରୀ ଗୁଣ୍ଡିଚା ମନ୍ଦିରରେ ପ୍ରବେଶ କଲେ ଭକ୍ତ । ଗୁଣ୍ଡିଚା ମନ୍ଦିରରେ ଢିଲା ସୁରକ୍ଷା ବ୍ୟବସ୍ଥାର ସୁଯୋଗ ନେଇ କିଛି ବାହାର ରାଜ୍ୟର ବ୍ୟକ୍ତି ଆଜି (ମଙ୍ଗଳବାର) ମନ୍ଦିରରେ ବେଆଇନ ପ୍ରବେଶ କରିଥିବା ଘଟଣା ସାମ୍ନାକୁ ଆସିଛି । କୋଭିଡ କଟକଣା ଯୋଗୁଁ ମନ୍ଦିରରେ ଭକ୍ତଙ୍କ ପ୍ରବେଶ ନିଷେଦ୍ଧ ଥିବା ବେଳେ ସମ୍ପୃକ୍ତ ବ୍ୟକ୍ତି କିଭଳି ଭିତରେ ପ୍ରବେଶ କଲେ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
ସୂଚନାଯୋଗ୍ୟ, ଆଜି ଜଣେ ପୁରୁଷ ଓ ଜଣେ ମହିଳାଙ୍କ ସମେତ ପୋଲିସ ପୋଷାକ ପିନ୍ଧିଥିବା ବାହାର ରାଜ୍ୟରେ ଦୁଇ ପୋଲିସ କର୍ମୀ ଗୁଣ୍ଡିଚା ମନ୍ଦିରରେ ପ୍ରବେଶ କରିଥିଲେ । ତେବେ ସେମାନେ କିଏ ଏବଂ କେଉଁଠୁ ଆସିଛନ୍ତି ସେ ବିଷୟରେ ଖାକି ପିନ୍ଧା ପୋଲିସ କର୍ମଚାରୀଙ୍କୁ ପଚାରିବାରୁ ସେ ମନ୍ଦିରକୁ ପ୍ରବେଶ କରିନଥିବା କହିଥିଲେ । ଏପରିକି ସେ କେଉଁଠୁ ଆସିଛନ୍ତି ଏବଂ କେଉଁ ରାଜ୍ୟର, ସେନେଇ କିଛି ଉତ୍ତର ରଖି ନଥିଲେ ।
OD02AS3536 ନଂ ବିଶିଷ୍ଟ ଏକ ବୋଲେରୋ ଗାଡିରେ ଏମାନେ ଆସିଥିଲେ । ତେବେ ସାଧାରଣ ଭକ୍ତଟିଏ କୋଭିଡ କଟକଣା ପାଇଁ ଗୁଣ୍ଡିଚା ମନ୍ଦିର ଭିତରକୁ ଯାଇପାରୁ ନଥିବା ବେଳେ ଏହି ଵ୍ୟକ୍ତିମାନେ କାହା ସହିତ ଯୋଗାଯୋଗ କରି ବେଆଇନ ଭାବେ ଗୁଣ୍ଡିଚା ମନ୍ଦିରକୁ ପ୍ରବେଶ କରିଥିଲେ ସେ ନେଇ ପ୍ରଶ୍ନ ଉଠିଛି । ଏହି ଘଟଣାର ତଦନ୍ତ କରାଯାଇ କାର୍ଯ୍ୟନୁଷ୍ଠାନ ନେବାକୁ ବିଭିନ୍ନ ମହଲରେ ଦାବି ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
