ପୁରୀ: ଚଳିତବର୍ଷ ରଥଯାତ୍ରା ଓ ସ୍ନାନଯାତ୍ରାରେ ଭକ୍ତ ଏବଂ ଶ୍ରଦ୍ଧାଳୁଙ୍କୁ ଉତ୍ତମ ବ୍ୟବହାର ସହ ଆତିଥେୟତା ପ୍ରଦାନ କରାଯିବ । ଏନେଇ ଆଜି(ରବିବାର) ପୁରୀ ପୋଲିସ, ପରିବହନ ବିଭାଗ, ପର୍ଯ୍ୟଟନ ବିଭାଗ ଓ ଅଟୋ ଚାଳକ ମହାସଂଘକୁ ନେଇ ଅନୁଷ୍ଠିତ ଏକ ସମନ୍ବୟ ବୈଠକରେ ନିଷ୍ପତି ହୋଇଛି । ଏଣିକି ଅଟୋ ଚାଳକଙ୍କ ଭଡ଼ା ଯୋଗେ ଯାତ୍ରୀମାନେ ଆଉ ଶୋଷଣର ଶିକାର ହେବେ ନାହିଁ ବୋଲି ଆଶା କରାଯାଉଛି ।
ପୁରୀରେ ଅଟୋ ଭଡ଼ା ନାରେ ଶୋଷଣ ବନ୍ଦ କରିବାକୁ ପରିବହନ ବିଭାଗର ନିର୍ଦ୍ଦେଶ
ପ୍ରତି ଅଟୋ ରିକ୍ସାରେ ରେଟ୍ ଚାର୍ଟ ସହ ପୋଲିସ ହେଲ୍ପ ଲାଇନ ନମ୍ବର ଲଗାଯିବାକୁ ବୈଠକରେ ନିଷ୍ପତ୍ତି ହୋଇଛି । ଯଦି କୌଣସି ଅଟୋ ଚାଳକ ଏହି ନିଷ୍ପତ୍ତିକୁ ଉଲଙ୍ଘନ କରନ୍ତି, ତେବେ ସେମାନଙ୍କ ବିରୋଧରେ ଆଇନ ଅନୁସାରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ ଓ ପରିବହନ ବିଭାଗ ପକ୍ଷରୁ ଚେତାବନୀ ଦିଆଯାଇଥିବା ସୂଚନା ମିଳିଛି ।
ଇଟିଭି ଭାରତ, ପୁରୀ
