ପୁରୀ: ସିଏଏ ଓ ଜେଏନୟୁ ପ୍ରସଙ୍ଗରେ ପୁରୀ ଜିଲ୍ଲା ଛାତ୍ର କଂଗ୍ରେସ ପକ୍ଷରୁ ମଶାଲ ଶୋଭାଯାତ୍ରା ଅନୁଷ୍ଠିତ ହୋଇଛି । ଗୁଣ୍ଡିଚା ମନ୍ଦିରରୁ ଏହି ମଶାଲ ଶୋଭାଯାତ୍ରା ଶ୍ରୀମନ୍ଦିର ପର୍ଯ୍ୟନ୍ତ ଯାଇଥିଲା। କେନ୍ଦ୍ର ସରକାର ନାଗରିକତା ସଂଶୋଧନ ଆଇନ ନାମରେ ଦେଶରେ ଧର୍ମ ନାମରେ ବିଦ୍ବେଷ ସୃଷ୍ଟି କରୁଛି ବୋଲି ଅଭିଯୋଗ କରିଛି ପୁରୀ ଛାତ୍ର କଂଗ୍ରେସ ।
ସିଏଏ ଓ ଜେଏନୟୁ ପ୍ରସଙ୍ଗରେ ପୁରୀରେ କଂଗ୍ରେସର ମଶାଲ ଯାତ୍ରା
କେବଳ ସେତିକି ନୁହେଁ ଜେଏନୟୁରେ ଛାତ୍ରଛାତ୍ରୀଙ୍କ ଉପରେ ଦମନଲୀଳା ପ୍ରତିବାଦରେ ପୁରୀ ବଡ଼ ଦାଣ୍ଡରେ ପୁରୀ ଜିଲ୍ଲା କଂଗ୍ରେସ କରିଛି ଶୋଭାଯାତ୍ରା। ମୋଦି ସରକାର ସିଏଏ ନାମରେ ଦେଶରେ ଅରାଜକତା ସୃଷ୍ଟି କରୁଥିବା କଂଗ୍ରେସ ଅଭିଯୋଗ କରିଛି ।
ଏହି ନୀତିରୁ କେନ୍ଦ୍ର ବିଜେପି ସରକାର ନଓହରିଲେ କଂଗ୍ରେସ ଅଗାମୀ ଦିନରେ ଜୋରଦାର ଆନ୍ଦୋଳନ କରିବ ବୋଲି ଦଳ ଚେତାବନୀ ଦେଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
