ପୁରୀ: ଆଜି ପବିତ୍ର ଭଉଁରୀ ଯାତ୍ରା । ପରମ୍ପରା ଅନୁଯାୟୀ ଭଉଁରୀରେ ଅନୁଷ୍ଠିତ ହୋଇଛି ତିନିଠାକୁରଙ୍କ ରଥର ଚକ ଅଖ ଡେରା ନୀତି । ସୁରୁଖୁିରୁ ନୀତି ସମ୍ପାଦନ ପାଇଁ ପୋଲିସ ପକ୍ଷକୁ କଡା ବ୍ୟବସ୍ଥା କରାଯାଇଛି ।
ତିନିଟି ରଥର ଦୁଇ ଦୁଇଟି ଚକର ଗୋଟିଏ ଲେଖାଏଁ ଅଖ ସଂଯୋଗ ହୋଇ ଚକ ଅଖ ଡେରା ନୀତି ସମ୍ପାଦନ କରାଯାଇଛି । ଶ୍ରୀମନ୍ଦିରରେ ମହାପ୍ରଭୁଙ୍କ ସକାଳ ଧୂପ ନୀତି ବଢିବା ପରେ ଆଜ୍ଞାମାଳ ରଥ ଖଳାରେ ବିଜେ କରାଯିବା ପରେ ଚକ ଅଖ ଡେରା ନୀତିକାନ୍ତି ଆରମ୍ଭ ହୋଇଥିଲା । ଆଜ୍ଞାମାଳ ବିଜେ ପରେ ବିଜେ କାହାଳି ବାଜି ଚକ ଅଖ ଡେରା ନୀତି କରାଯାଇଛି ।
ମହାରଣା ସେବକଙ୍କ ଉପସ୍ଥିତିରେ ଭୋଇ ସେବକମାନେ ଏହି ନୀତି ସମ୍ପାଦନ କରିଛନ୍ତି । ତେବେ ଭକ୍ତଙ୍କ ଭିଡ଼କୁ ଏଡ଼ାଇବା ପାଇଁ ପାଇଁ ବଡଦାଣ୍ତ ଓ ନରେନ୍ଦ୍ର ପୁଷ୍କରିଣୀ ଅଞ୍ଚଳରେ ୧୪୪ ଧାରା ଜାରି କରାଯାଇଛି । ଏହା ବ୍ୟତୀତ ପ୍ରାୟ ୫ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ଆସନ୍ତାକାଲି ମହାପ୍ରଭୁଙ୍କ ବାହାର ଚନ୍ଦନଯାତ୍ରା ନରେନ୍ଦ୍ର ପୁଷ୍କରିଣୀରେ ଶେଷ ହେବା ପରେ 21 ଦିନ ବ୍ୟାପି ଶ୍ରୀମନ୍ଦିର ଭିତରେ ମହାପ୍ରଭୁଙ୍କ ଚନ୍ଦନଯାତ୍ରା ଅନୁଷ୍ଠିତ ହେବ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
