ବ୍ରହ୍ମଗିରି: ମଝି ଚିଲିକାରେ ଅଟକିଲା ଯାତ୍ରୀବାହୀ ଡ଼ଙ୍ଗା । ଯାନ୍ତ୍ରିକ ତ୍ରୃଟି ଯୋଗୁଁ ଚିଲିକା ମଝିରେ ଅଟକିଲା ଯାତ୍ରୀବାହୀ ଡଙ୍ଗା । ଡଙ୍ଗାଟି ଜହ୍ନିକୁଦା ଘାଟ ଠାରୁ ୪୦ ଲୋକଙ୍କୁ ନେଇ ସାତପଡାକୁ ଆସୁଥିଲା । ତେବେ ଏହି ଡଙ୍ଗାରେ ୯ଟି ବାଇକ ମଧ୍ୟ ଥିବା ସୂଚନା ମିଳିଛି ।
ମଝି ଚିଲିକାରେ ଫସିଲା ଡଙ୍ଗା
ମେସିନ୍ ସ୍ଲାବ ଭାଙ୍ଗି ଯିବାରୁ ଡଙ୍ଗାଟି ଅଟକି ରହିଛି । ତେବେ, ମେସିନି ସଜାଡିବା ପାଇଁ ଲାଗିପଡିଛନ୍ତି ଡଙ୍ଗା ଚାଳକ । ଚିଲିକାରେ ଯାତାୟତ ପାଇଁ ଏକମାତ୍ର ମାଧ୍ୟମ ଡ଼ଙ୍ଗା ହୋଇଥିବା ବେଳେ ଜୀବନକୁ ପାଣି ଛଡାଇ ପ୍ରତିଦିନ ଯାତ୍ରୀ ମାନେ ଯାତାୟତ କରିଥାନ୍ତି । ଚିଲିକାରେ ସ୍ଥାୟୀ ପୋଲ ନିର୍ମାଣ ପାଇଁ ବାରମ୍ବାର ଦାବି ହେଉଥିଲେ ମଧ୍ୟ ସରକାର କର୍ଣ୍ଣପାତ କରୁ ନଥିବା ଅଭିଯୋଗ ହୋଇଛି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
