ବ୍ରହ୍ମଗିରି: ରାଜ୍ୟରେ କୋରୋନାର ଦ୍ବିତୀୟ କହର ଜାରି ରହିଛି । ଧିରେ ଧିରେ କାୟା ବିସ୍ତାର କରିବା ସହ ତାର ପ୍ରକୋପ ବଢିବାରେ ଲାଗିଛି । ଏହି ସମୟରେ ରକ୍ତ ଭଣ୍ଡାରରେ ରକ୍ତର ଘୋର ଅଭାବ ଦେଖାଦେଇଛି । ଆଉ ଏହି ମହାମାରୀ ସମୟରେ ରକ୍ତର ଅଭାବକୁ ପୂରଣ କରିବାକୁ ରକ୍ତ ଦାନ ଶିବିର ଆୟୋଜିତ ହୋଇଛି ।
କୋରୋନା ମହାମାରୀ ସମୟରେ ରକ୍ତଦାନ
ଏହାକୁ ଦୃଷ୍ଟିରେ ରଖି ବ୍ରହ୍ମଗିରି ବିଜେବି ମହାବିଦ୍ୟାଳୟ, ଯୁବ ରେଡ଼ କ୍ରସ ଏବଂ ବ୍ରହ୍ମଗିରି ପୋଲିସର ସହଯୋଗରେ ବ୍ରହ୍ମଗିରି ଥାନା ନିକଟ ମହାବୀର ମନ୍ଦିର ପରିସରରେ ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି ।
ଏହି ରକ୍ତଦାନ ଶିବିରରେ 15 ୟୁନିଟ୍ ରକ୍ତ ସଂଗ୍ରହ ହୋଇଥିବା ନେଇ ଆୟୋଜକ ରାଜେଶ ଲେଙ୍କା ସୂଚନା ଦେଇଛନ୍ତି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
