ପୁରୀ: ଅଗଷ୍ଟ ୨୪ ତାରିଖରୁ ଆରମ୍ଭ ହେବାକୁ ଯାଉଛି ଟୋକିଓ ପାରାଲମ୍ପିକ୍ସ । ଏଥିପାଇଁ ଆଇସକ୍ରିମ କାଠିରେ ଏକ ଅଲମ୍ପିକ୍ସ ଷ୍ଟାଡିୟମ ତିଆରି କରି ଭାରତୀୟ ଆଥଲେଟଙ୍କୁ ଶୁଭେଚ୍ଛା ଜଣାଇଛନ୍ତି ପୁରୀର ଯୁବ ଚିତ୍ରଶିଳ୍ପୀ ବିଶ୍ବଜିତ ନାୟକ । ପୁରୀର କୁମୁଟିପାଟଣାର ବାସିନ୍ଦା ବଳରାମ ନାୟକଙ୍କ ପୁଅ ହେଉଛନ୍ତି ବିଶ୍ୱଜିତ ନାୟକ ।
ଏହାପୂର୍ବରୁ ଆଇସିକ୍ରିମ କାଠି ଅନେକ ଆକର୍ଷଣୀୟ କଳାକୃତି କରି ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଛନ୍ତି ବିଶ୍ବଜିତ। ବର୍ତ୍ତମାନ ସେ ଇଞ୍ଜିନିୟରିଂ ପାଠ ପଢ଼ୁଛନ୍ତି । ଏହାପରେ ମଧ୍ୟ ଚିତ୍ରକଳା ପ୍ରତି ଥିବା ତାଙ୍କ ଦୁର୍ବଳତାକୁ ସେ ଛାଡ଼ି ପାରିନାହାନ୍ତି । ଟୋକିଓ ଅଲମ୍ପିକ୍ସରେ ଭାରତୀୟ କ୍ରୀଡ଼଼ାବିତ ଜବରଦରଦସ୍ତ ପ୍ରଦର୍ଶନ କରିଥିଲେ । ଯାହାଫଳରେ ପ୍ରଥମ ଥର ପାଇଁ ଅଲମ୍ପିକ୍ସ ଇତିହାସରେ ୭ଟି ପଦକ ହାସଲ କରିଥିଲା ଭାରତୀୟ ଖେଳାଳି ।
ଅଲମ୍ପିକ୍ସ ଷ୍ଟାଡିୟମ ତିଆରି କରିବାକୁ ବିଶ୍ବଜିତଙ୍କୁ ଦୁଇଦିନ ସମୟ ଲାଗିଥିଲେ । ଅଲମ୍ପିକ୍ସ ଷ୍ଟାଡିୟମ ପାଇଁ ବ୍ୟବହାର ହୋଇଛି ୭୭୫ ଆଇସକ୍ରିମ କାଠି । ପାରା ଅଲମ୍ପିକ୍ସରେ ଭାରତୀୟ କ୍ରୀଡାବିତ୍ ଅଧିକ ପଦକ ହାସଲ କରିବେ ବୋଲି ବିଶ୍ବଜିତ ଆଶାବାଦୀ ରହିଛନ୍ତି । ଭାରତ ପକ୍ଷରୁ ଟୋକିଓ ଅଲମ୍ପିକ୍ସରେ ୫୪ ଜଣ ଖେଳାଳି ଭାଗ ନେବେ । ୯ଟି ଭିନ୍ନଭିନ୍ନ ଇଭେଣ୍ଟରେ ଭାଗ ନେବେ ଭାରତୀୟ ଖେଳାଳି ।
ଟୋକିଓରେ ଆରମ୍ଭ ହେବାକୁ ଥିବା ପାରାଲମ୍ପିକ୍ସରେ ଭାରତୀୟ ଖେଳାଳି ଅତିକମରେ ୧୫ଟି ପଦକ ହାସଲ କରିବେ ବୋଲି ସମୀକ୍ଷକମାନେ ମତ ରଖିଛନ୍ତି । ତେବେ ଦେଖିବାକୁ ବାକି ରହିଲା ଭାରତୀୟ ଖେଳାଳି ଦେଶବାସୀ ଆଶା କେତେ ପୂରଣ କରିପାରୁଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
