କଟକ: ମଧୁପାଟଣା ଥାନା ଅନ୍ଦରପୁର ନିକଟସ୍ଥ ଡ୍ରେନରେ ଭାସୁଛି ଅଜଣା ମୃତଦେହ । ମୃତବ୍ୟକ୍ତି ଜଣଙ୍କ ରେନିକୋର୍ଟ ପିନ୍ଧିଥିବାର ଦେଖିବାକୁ ମିଳିଛି । ତେବେ ବ୍ୟକ୍ତିଙ୍କ ମୃତଦେହ ନାଳ ଭିତରକୁ କିପରି ଆସିଲା ତାହା ଅସ୍ପଷ୍ଟ ରହିଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଛି ।
ତେବେ ଉଦ୍ଧାର ପରେ ବ୍ୟବଚ୍ଛେଦ ପାଇଁ ଏସସିବି ବଡ଼ ମେଡିକାଲକୁ ପଠାଇବା ନେଇ ପୋଲିସ ପକ୍ଷରୁ ଜଣାପଡ଼ିଛି । ଏବେ ପ୍ରଶ୍ନ ଉଠୁଛି ଏହି ଵ୍ୟକ୍ତି ଜଣଙ୍କ କିଏ ? କେଉଁଠୁ ଆସିଛନ୍ତି ଏହି ବ୍ୟକ୍ତି ? ନାଳରେ କିପରି ମୃତଦେହ ଆସିଲା ସେନେଇ ପୋଲିସ ଆରମ୍ଭ କରିଛି ତଦନ୍ତ । ତେବେ ବ୍ୟବଚ୍ଛେଦ ରିପୋର୍ଟ ଆସିବା ପରେ ସବୁ କିଛି ସ୍ପଷ୍ଟ ହେବ ନେଇ ଥାନା ପକ୍ଷରୁ ସୂଚନା ଦିଆଯାଇଛି । ଏହି ଘଟଣା ପରେ ଅଞ୍ଚଳରେ ଏକ ପ୍ରକାର ଆଲୋଡନ ସୃଷ୍ଟି ହୋଇଛି ।
ଇଟିଭି ଭାରତ, କଟକ
