କଟକ: ଯୁବ ଆଇନଜୀବୀଙ୍କ ପାଇଁ ଖୁସି ଖବର । ୧୨ ହଜାର ଆଇନଜୀବୀଙ୍କୁ ମିଳିବ ୫ ହଜାର ଲେଖାଏଁ ଆର୍ଥିକ ସହାୟତା । ଏନେଇ ରାଜ୍ୟ ଆଇନଜୀବୀ ପରିଷଦ ଇମରଜେନ୍ସି ଫାଇନାନସିଆଲ ଆସିଷ୍ଟାନ୍ସ କମିଟି ବୈଠକରେ ଆଲୋଚନା କରାଯାଇ ଆବଶ୍ୟକ ପ୍ରସ୍ତାବ ଗ୍ରହଣ କରାଯାଇଛି ।
ଯୁବ ଆଇନଜୀବୀଙ୍କୁ ମିଳିବ ୫ ହଜାର ଆର୍ଥିକ ସହାୟତା
ଆଇନଜୀବୀ ଅଜୟ କୁମାର ବରାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏହି ନିଷ୍ପତି ନିଆଯାଇଛି । ପ୍ରାୟ ୧୫ ହଜାର ଆଇନଜୀବୀ ଏଥିପାଇଁ ପଞ୍ଜିକରଣ କରିଥିଲା ବେଳେ ଏହାର ଯାଞ୍ଚ କରାଯାଇ ୧୨ ହଜାର ଆଇନଜୀବୀଙ୍କୁ ଏହି ସହାୟତା ରାଶି ପ୍ରଦାନ କରିବାକୁ ନିଷ୍ପତ୍ତି ହୋଇଛି । ତେବେ ପାଣ୍ଠିରେ ମାତ୍ର ୩୦ ଲକ୍ଷ ଟଙ୍କା ଥିଲାବଳେ ଆବଶ୍ୟକ ପଡୁଛି ଅଧିକ ୬ କୋଟି ଟଙ୍କା । ତେବେ ଏହି ଟଙ୍କା ସଂଗ୍ରହ କରିବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ ଅନୁରୋଧ କରାଯିବ ବୋଲି ବୈଠକରେ ନିଷ୍ପତ୍ତି ନିଆଯାଇଥିବା କହିଛନ୍ତି ଆଇନଜୀବୀ ବିଭୁତି ଚୌଧୁରୀ ।
କଟକରୁ ନାରାୟଣ ସାହୁ, ଇଟିଭି ଭାରତ
