କଟକ: ଦେବଦୂତ ସାଜିଲେ ଟ୍ରାଫିକ କର୍ମଚାରୀ । ଠିକ୍ ସମୟରେ ବସକୁ ଅଟକାଇ ବଞ୍ଚାଇଲେ ବାଟୋଇଙ୍କ ଜୀବନ । ଏପରି ଏକ ଘଟଣା ଦେଖିବାକୁ ମିଳିଛି କଟକ ବାଦାମବାଡି ଛକରେ ।
ଟ୍ରାଫିକ ପଏଣ୍ଟରେ ଏକ ବସ ୟୁ-ଟର୍ଣ୍ଣ ନେଉଥିବା ବେଳେ ହଠାତ୍ ଏକ ବାଟୋଇ ବସ ତଳକୁ ଆସି ଯାଇଥିଲେ । ଆଉ ସେହିକ୍ଷଣି କର୍ତ୍ତବ୍ୟରତ ଟ୍ରାଫିକ କର୍ମଚାରୀ ବସକୁ ଅଟକାଇବାରେ ସଫଳ ହୋଇଥିଲେ । ଫଳରେ ଅଳ୍ପକେ ବଞ୍ଚି ଯାଇଥିଲେ ବାଟୋଇ ।
ତେବେ ସେ ପଡିଯାଇଥିବାରୁ ଆହତ ଅବସ୍ଥାରେ ତାଙ୍କୁ ଏସସିବିକୁ ସ୍ଥାନାନ୍ତର କରାଯାଇଛି । ଏହି ନୂଆ ଜୀବନ ଦେଇଥିବା ଟ୍ରାଫିକ କନେଷ୍ଟବଳ ହେଉଛନ୍ତି ସୁସ୍ମିତା ନାୟକ । ତାଙ୍କର ଉପସ୍ଥିତ ବୁଦ୍ଧି ଓ ଟ୍ରାଫିକ ହାବିଲଦାର ଲଳିତ ମୋହନରାଉତଙ୍କ ତୁରନ୍ତ ପଦକ୍ଷେପ ଯୋଗୁଁ ଉକ୍ତ ବ୍ୟକ୍ତିଙ୍କ ଜୀବନ ବଞ୍ଚିଯାଇଥିବା କୁହାଯାଉଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ