କଟକ: କମିଶନରେଟ ପୋଲିସକୁ ସଫଳତା । ଏକ ବଡ ଧରଣର ବାଇକ ଲୁଟେରାଙ୍କୁ କାବୁ କରିବାରେ ସଫଳ ହୋଇଛି କଟକ ଚାଉଳିଆଗଞ୍ଜ ଥାନା ପୋଲିସ । ଘଟଣାରେ ତିନିଜଣଙ୍କୁ ଗିରଫ କରିଛି ପୋଲିସ ।
ସୂଚନାଅନୁସାରେ, ସହରର ବିଭିନ୍ନ ସ୍ଥାନରେ ଉତ୍ପାତ କରୁଥିଲେ ଏହି ଲୁଟେରା ଗ୍ୟାଙ୍ଗ । ବିଶେଷ କରି ବଡ ମେଡିକାଲ, ହାଇକୋର୍ଟ, ଶିଶୁ ଭବନ ଆଦି ଅଞ୍ଚଳରେ ବାଇକ ଲୁଟୁଥିଲେ ଏହି ଦଳ । ଗ୍ଲାମର ବାଇକକୁ ଟାର୍ଗେଟ କରିଥାନ୍ତି । କାରଣ ଗ୍ଲାମର ବାଇକର ଚାବି ସହଜରେ ଖୋଲି ଯାଇଥାଏ । ଚୌଦ୍ବାରର ଗୁରୁଝାଟିଆ ଅଞ୍ଚଳରେ ଥିବା ଏକ ଗ୍ୟାରେଜରେ ଗୋଟିଏ ବାଇକ ପିଛା 7ରୁ 8ହଜାର ଟଙ୍କାରେ ବିକ୍ରି କରିଥାନ୍ତି ।
ଦୀର୍ଘ ଦିନ ଧରି ଗ୍ୟାଙ୍ଗକୁ କାବୁ କରିବାକୁ ଉଦ୍ୟମ ଆରମ୍ଭ କରିଥିଲା ପୋଲିସ । ଡେରିରେ ହେଉ ପଛେ ପୋଲିସକୁ ସଫଳତା ମିଳିଛି । ସଟଡାଉନ ସମୟରେ ଏକ ବାଇକକୁ ଅଟକାଇବା ବେଳେ ଏହି ଲୁଟେରା ଗ୍ୟାଙ୍ଗ ନିକଟରେ ପହଞ୍ଚିଥିଲା ପୋଲିସ । ଘଟଣାରେ ତିନିଜଣଙ୍କୁ ଗିରଫ କରିବା ସହିତ ଗ୍ୟାରେଜ ମାଲିକକୁ ମଧ୍ୟ ଗିରଫ କରିଛି ଚାଉଳିଆଗଞ୍ଜ ପୋଲିସ ।
କଟକରୁ ନାରାୟଣ ସାହୁ, ଇଟିଭି ଭାରତ
