କଟକ: ଲକଡାଉନ ଯୋଗୁଁ ସୃଷ୍ଟି ହୋଇଥିବା ପରିସ୍ଥିତିରେ ରାଜ୍ୟର ଆଇନଜୀବୀଙ୍କୁ ଆର୍ଥିକ ସହାୟତା ପ୍ରଦାନ କରିବ ରାଜ୍ୟ ଆଇନଜୀଵୀ ପରିଷଦ। ୧୦ ବର୍ଷରୁ କମ ସମୟ ଆଇନ ପେସାରେ ଥିବା ଆଇନଜୀଵୀଙ୍କୁ ଆର୍ଥିକ ସହାୟତା ପ୍ରଦାନ ପାଇଁ ରାଜ୍ୟ ପରିଷଦ ସ୍ୱତନ୍ତ୍ର କମିଟି ଜରୁରୀ ବୈଠକରେ ନିଷ୍ପତି ନେଇଛି।
ବୈଠକରେ ବିସ୍ତୃତ ଆଲୋଚନା ପରେ ଏହି ନିଷ୍ପତି ନିଆଯାଇଛି । ନିଷ୍ପତ୍ତି ଅନୁସାରେ କୋରୋନା ସଂକ୍ରମଣ ବ୍ୟାପିବାକୁ ରୋକିବା ପାଇଁ ଘୋଷଣା କରାଯାଇଥିବା ଲକଡାଉନ ଯୋଗୁଁ ପ୍ରକୃତରେ ଆର୍ଥିକ ସହାୟତା ଆବଶ୍ୟକ କରୁଥିବା ଏପରି ଆଇନଜୀବୀଙ୍କ ପାଇଁ ପରିଷଦର ଆଡଭୋକେଟ୍ସ ୱେଲଫେୟାର କର୍ପସ ଫଣ୍ଡରୁ ଆର୍ଥିକ ସହାୟତା ଉପଲବ୍ଧ ହେବ।
ଏଥିପାଇଁ ଏହି ବର୍ଗର ଆଇନଜୀବୀମାନେ ନିର୍ଦ୍ଧାରିତ ଫର୍ମରେ ସେମାନେ ସଦସ୍ୟ ଥିବା ବାର ଆସୋସିଏସନ ଜରିଆରେ ରାଜ୍ୟ ଆଇନଜୀବି ପରିଷଦ ନିକଟରେ ଆବେଦନ କରିବେ।
କଟକରୁ ନାରାୟଣ ସାହୁ, ଇଟିଭି ଭାରତ
