କଟକ: କଟକ ସିଡିଏ (Cuttack CDA)ଅଞ୍ଚଳରେ ଭୁଶୁଡି ପଡ଼ିଲାଣି ପରିମଳ ବ୍ୟବସ୍ଥା । ସହରର ସବୁଠୁ ବିତ୍ତଶୀଳ ଅଞ୍ଚଳ ଭାବରେ ପରିଗଣିତ ଏହି ସ୍ଥାନ । ହେଲେ ଏବେ ଏଠାରେ ଭର୍ତ୍ତି ହୋଇଛି ଅଳିଆ ଆବର୍ଜନା । ସେକ୍ଟର 7ରେ ଏକ କମ୍ପୋଷ୍ଟ ସେଣ୍ଟର ଖୋଲିବା ପରେ ସହରର ପୁଳା ପୁଳା ଅଳିଆ ଏହି ସ୍ଥାନ ରେ ପଡିରହୁଛି । ଯାହା ଫଳରେ ଦୁର୍ଗନ୍ଧ ସାଙ୍ଗକୁ ପରିମଳ ବ୍ୟବସ୍ଥା ଅପରିଷ୍କାର ହେବା ସହ ସେକ୍ଟରରେ ରହିବା ମଧ୍ୟ କଷ୍ଟ ସାଧ୍ୟ ହୋଇ ପଡିଛି ।
Cuttack CDAରେ ଭୁଶୁଡି ପଡିଲାଣି ପରିମଳ ବ୍ୟବସ୍ଥା , ପଦକ୍ଷପ ପାଇଁ CMC ନିକଟରେ ଦାବି
ତେବେ ଏନେଇ ଆଜି ସିଏମସି କମିଶନର (Cuttack CMC Commissioner)ଙ୍କୁ ଭେଟିବା ପାଇଁ ମହାନଗର ନିଗମରେ ଉପସ୍ଥିତ ହୋଇଛନ୍ତି ସ୍ଥାନୀୟ ବାସିନ୍ଦା । ଯଦି ଏହି ଦିଗରେ କିଛି କାର୍ଯ୍ୟାନୁଷ୍ଠାନ ନ ନିଆଯାଏ, ତେବେ ଆଗାମୀ ଦିନରେ ଆଇନର ଆଶ୍ରୟ ନେବାକୁ ବାଧ୍ୟ ହେବେ ବୋଲି ଚେତାବନୀ ଦେଇଛନ୍ତି ସ୍ଥାନୀୟ ବାସିନ୍ଦା।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
