କଟକ: ସଡକ ସୁରକ୍ଷା ଜୀବନ ରକ୍ଷା । ରାସ୍ତାର ନିୟମ ମାନି ଗାଡି ଚଲାଅ ଆଉ ସୁରକ୍ଷିତ ଭାବେ ନିଜର ଗନ୍ତବ୍ୟ ସ୍ଥଳରେ ପହଞ୍ଚ । ସୁରକ୍ଷିତ ଭାବେ ଗାଡିଚାଳନା ପାଇଁ ଲୋକମାନଙ୍କୁ ସଚେତନା ବାର୍ତ୍ତା ବାଣ୍ଟିବାକୁ କମିଶନରେଟ ପୋଲିସ ପକ୍ଷରୁ ଆରମ୍ଭ ହୋଇଛି ୩୧ତମ ଜତୀୟ ସଡକ ସୁରକ୍ଷା ସପ୍ତାହ ।
ବର୍ତ୍ତମାନ ଭାରତବର୍ଷରେ ବଢ଼ିବାରେ ଲାଗିଛି ସଡକ ଦୁର୍ଘଟଣା । ଯାହା ପାଇଁ ବେଶ ଚିନ୍ତାରେ ସରକାର । କାରଣ ଏଥିପାଇଁ ପ୍ରତ୍ୟକ ଦିନ ବହୁ ପରିମାଣରେ ଜୀବନହାନୀ ଘଟିବାରେ ଲାଗିଛି । ସେହି ପରିପ୍ରେକ୍ଷୀରେ ଆଜି (ଶନିବାର) ଆରମ୍ଭ ହୋଇଥିବା ୩୧ ତମ ସଡକ ସୁରକ୍ଷା ସପ୍ତାହରେ ଅଭିନବ ପ୍ରୟାସ କରିଛି କମିଶନରେଟ ପୋଲିସ।
ଲୋକ ମାନଙ୍କୁ ସଚେତନତା ଉଦ୍ଦେଶ୍ୟରେ ଟ୍ରାଫିକ କର୍ମଚାରୀଙ୍କ ପକ୍ଷରୁ ଏକ ବାଇକ ରାଲି ଆୟୋଜିତ କରିଥିଲା କମିଶନରଟେ ପୋଲିସ । ଯାହାଦ୍ବାରା ଲୋକମାନେ ନିୟମ ମାନି ଗାଡିଚଳାଇବେ ଓ ନିଜ ଜୀବନକୁ ସୁରକ୍ଷିତ ରଖିପାରିବେ। ତେବେ ଏହି ଟ୍ରାଫିକ ସଚେତନତା କଯ୍ୟକ୍ରମରେ କଟକ ଡିସିପି, ଟ୍ରାଫିକ ଏସିପିଙ୍କ ସମେତ ସିନେ ତାରକା ମିହିର ଦାସ , ଅମ୍ଳାନ, କୁନା ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
