କଟକ: ବଦଳି ଯାଇପାରେ ସୁପ୍ରିମକୋର୍ଟଙ୍କ ନିଷ୍ପତ୍ତି । ମିଳିପାରେ ରଥଯାତ୍ରା ପାଇଁ ଅନୁମତି । ହାତରେ ମାତ୍ର ୨ ଦିନ ଥିବାବେଳେ ରଥଯାତ୍ରା ପାଇଁ ଆଶା ଆଶଙ୍କା ଏବେ ବି ଲାଗିରହିଛି । ସବୁଠାରୁ ବଡ଼ କଥା ହେଉଛି ରଥଯାତ୍ରା ପାଇଁ ଅନୁମତି ଦେବାକୁ ବିଭିନ୍ନ ସଙ୍ଗଠନ ପକ୍ଷରୁ ସୁପ୍ରିମକୋର୍ଟରେ ପ୍ରାର୍ଥନା କରାଯାଇଛି ।
ଯଥା ରିକଲ ପିଟିସନ, ମୋଡିଫିକେସନ ପିଟିସନରେ ରଥଯାତ୍ରା ପାଇଁ ଅନୁମତି ପ୍ରଦାନ କରିବାକୁ ପ୍ରାର୍ଥନା କରାଯାଇଛି । ସେହିପରି ଅନେକ ଆଇନଗତ ଦିଗ ମଧ୍ୟ ରହିଛି । ବିଶେଷକରି ସ୍ନାନଯାତ୍ରାକୁ କଟକଣା ଭିତରେ ସଫଳ ଭାବରେ ସମ୍ପନ୍ନ କରାଯାଇଥିଲା । ଏନେଇ ମଧ୍ୟ ହାଇକୋର୍ଟଙ୍କ ନିର୍ଦ୍ଦେଶନାମା ରହିଛି । କେବଳ ସେତିକି ନୁହେଁ ରଥଯାତ୍ରା ପାଇଁ ପୁରୀ ସହରକୁ ୧୪୪ ଧାରା ଜାରି କରି ସେବାୟତଙ୍କ ଦ୍ୱାରା ରଥଯାତ୍ରା କରିବାକୁ ଅନୁମତି ମଧ୍ୟ ମିଳିପାରେ ।
ଯେଉଁ ସେବାୟତ ଓ ମହାରଣାଙ୍କ କୋରୋନା ରିପୋର୍ଟ ନେଗେଟିଭ ରହିଛି କେବଳ ସେମାନଙ୍କ ଦ୍ୱାରା ରଥଯାତ୍ରା ପାଇଁ କୋର୍ଟ ଅନୁମତି ପ୍ରଦାନ କରିବାର ସମ୍ଭାବନା ମଧ୍ୟ ରହିଥିବା ବରିଷ୍ଠ ଆଇନଜୀବୀ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
