କଟକ: ଭୋଟ ଗଣତି ପକ୍ରିୟାରେ ହେରଫେର ଅଭିଯୋଗରେ କଟକସଦର ବ୍ଲକ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କଲେ ସରପଞ୍ଚ ପ୍ରାର୍ଥିନୀ । ଗତିରାଉତପାଟଣା ସରପଞ୍ଚ ପ୍ରାର୍ଥିନୀ ସ୍ପିନୋଜା ମହାନ୍ତି ଓ ତାଙ୍କ ସମର୍ଥକ ଏଭଳି ବିକ୍ଷୋଭ ପ୍ରଦର୍ଶନ କରିଛନ୍ତି । ଏଥିପାଇଁ ସେ କଟକ ସଦର ବିଡିଓଙ୍କୁ ସମ୍ପୂର୍ଣ୍ଣ ଭାବରେ ଦାୟୀ କରି ଉପ ନିର୍ବାଚନ ଦାବି କରିଛନ୍ତି ।
ଗତିରାଉତପାଟଣା ସରପଞ୍ଚ ପ୍ରାର୍ଥିନୀ ସ୍ପିନୋଜା ମହାନ୍ତିଙ୍କୁ ପ୍ରଥମେ ସରପଞ୍ଚ ପ୍ରାର୍ଥିନୀ ଭାବରେ ବିଜୟୀ ଘୋଷଣା କରାଯାଇଥିଲା । ଏହାପରେ ପୁନଃ ତାଙ୍କ ନିକଟ ପ୍ରତିଦ୍ବନ୍ଦୀ ସୋନାଲି ପ୍ରଧାନଙ୍କୁ ବିଜୟୀ ଘୋଷଣା କରାଯାଇଥିଲା । ମାତ୍ର ଦୁଇ ଖଣ୍ଡ ଭୋଟ ବ୍ୟବଧାନରେ ପରାଜିତ ହୋଇଥିଲେ ସ୍ପିନୋଜା । ଏହାକୁ ନେଇ ସ୍ପିନୋଜା ଓ ତାଙ୍କ ସମର୍ଥକ ଅସନ୍ତୋଷ ଜାହିର କରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଏହା ବି ପଢ଼ନ୍ତୁ: Panchayat Poll Results: ଭୋଟ ଗଣତିରେ ତ୍ରୁଟି ଅଭିଯୋଗ, ପ୍ରାର୍ଥୀଙ୍କ ଉପ ନିର୍ବାଚନ ଦାବି
ଗତକାଲି(ଗୁରୁବାର) ଏହାକୁ ନେଇ ସାମ୍ବାଦିକ ସମ୍ମିଳନୀ କରି ଅଭିଯୋଗ ଆଣିଥିଲେ ଗତିରାଉତପାଟଣା ସରପଞ୍ଚ ପ୍ରାର୍ଥିନୀ ସ୍ପିନୋଜା ମହାନ୍ତି । ବିକ୍ଷୋଭ ପ୍ରଦର୍ଶନ ବେଳେ ସ୍ପିନୋଜାଙ୍କ ସହ ତାଙ୍କ ସମର୍ଥକ ସାମିଲ ହୋଇଛନ୍ତି । ସେପଟେ ଏହି ଅଭିଯୋଗ ନେଇ କୌଣସି ପ୍ରତିକ୍ରିୟା ଦେଇ ନାହାନ୍ତି କଟକସଦର ବିଡିଓ । ସେପଟେ ଗତକାଲି ଏଠାରେ ଉପ ନିର୍ବାଚନ କରିବାକୁ ଦାବି କରିଥିଲେ ସ୍ପିନୋଜା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
